વાંકાનેરના લુણસર ગામે વગર વાંકે યુવાન ઉપર ચાર શખ્સોએ કર્યો હુમલો: ધોકા વડે માર મારીને જાનથી મારી નાખવાની ધમકી

વાંકાનેરના લુણસર ગામની સીમમાં યુવાને ખરીદી કરેલ પોતાની જમીન પાસે તે પાળાનું કામ કરાવતો હતો ત્યારે ચાર શખ્સો ત્યાં આવ્યા હતા અને યુવાને સાથે ગાળાગાળી કરીને માથાકૂટ કરવામાં આવી હતી ત્યારબાદ ચાર પૈકીના એક શખ્સે યુવાનના હાથ પકડી રાખ્યા હતા અને બાકીના ત્રણ શખ્સોએ હાથે પગે અને શરીરના ભાગે આડેધડ ધોકા વડે માર માર્યો હતો અને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા સારવાર લેવામાં આવ્યા બાદ હાલમાં વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુને નોંધીને આરોપીને પકડવા માટે તજવીજ શરૂ કરવામાં આવી છે.

મૂળ વાંકાનેર તાલુકાના લુણસર ગામના રહેવાસી અને હાલમાં મોરબીમાં મહેન્દ્રનગર પાસે આવેલ પ્રભુ કૃપા ટાઉનશીપમાં અમૃત હાઈટ બ્લોક નં- 403 માં રહેતા રમેશચંદ્ર શંકરલાલ વસીયાણી (40)એ વાંકાનેર તાલુકા પોલીસ સ્ટેશન ખાતે હીરાભાઈ સંગ્રામભાઇ ગમારા, મેરાભાઇ સામંતભાઈ ગમારા અને નાનુભાઈ ધારાભાઈ ગમારા રહે. ત્રણેય પલાસ ગામ તાલુકો વાંકાનેર તથા એક અજાણ્યો શખ્સ આમ કુલ મળીને ચાર શખ્સોની સામે ફરિયાદ નોંધાવેલ છે જેમાં જણાવ્યુ છે કે, લુણસર ગામની ધોળા કુવા વાળી સીમમાં ફરિયાદી જમીન લીધી છે અને ત્યાં તેઓ પાળા રીપેર કરવા માટેનું કામ કરાવી રહ્યા હતા દરમિયાન ચારેય આરોપીઓ ત્યાં આવ્યા હતા ગાળાગાળી કરીને આરોપી હીરાભાઈ ગમારાએ ફરિયાદીના હાથ પકડી રાખ્યા હતા અને અન્ય ત્રણ શખ્સો દ્વારા લાકડાના ધોકા વડે ફરિયાદી યુવાનને હાથે પગે અને સાથળના ભાગે માર મારીને ઇજાઓ કરવામાં આવી હતી અને જાનથી મારી નાખવાની ધમકી આપવામાં આવી હતી જેથી ભોગ બનેલા યુવાન દ્વારા હાલમાં વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.

બાઈકની ચોરી

મોરબીના ઘુટુ ગામ પાસે આવેલ હરીનગર સોસાયટી પાસે મારુતિ નંદન સોસાયટીમાં રહેતા રમેશગીરી કાનાગીરી ગોસાઈ (52) નામના આધેડે પોતાના ઘર પાસે બાઈક નંબર જીજે 13 બીસી  6444 પાર્ક કરીને મૂક્યું હતું જે બાઈકની કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને 60 હજાર રૂપિયાની કિંમતના બાઇકની ચોરી થઈ હોવાની આધેડે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.