વાંકાનેરના સરતાનપર પાસે ટ્રક હડફેટ મૃત્યુ પામેલા અજાણ્યા યુવાનની ઓળખ મેળવવા તજવીજ

વાંકાનેરના સરતાનપર ગામ પાસે ટ્રકે હડફેટે લેતા અજાણ્યા યુવનાનું મોત નીપજયું હતું જે મૃતક યુવનાની ઓળખ થયેલ નથી અને વળી વરસ મળેલ નથી જેથી અજાણી લાશની ઓળખ મેળવવા વાંકાનેર તાલુકા પોલીસ સ્ટેશનના તપાસનીસ અધિકારી દ્વારા તજવીજ હાથ ધરવામાં આવી છે

વાંકાનેર તાલુકાના સરતાનપર ગામ પાસે આવેલ પાધરવાળી ખાણ પાસે રાતાવિરડા ગામ જવાના રસ્તા ઉપર ટ્રક ડ્રાઇવરે આશરે ૩૦ થી ૩૫ ઉંમરના રસ્તા પર ચાલીને જતા અજાણ્યા માણસને તા ૧૨/૬ ના રોજ સવારે હડફેટે લેતા તેને ગંભીર ઈજા થયેલ હોવાથી તે યુવાનનું મોત નીપજયું હતું અને આ મૃતકના વાલી-વારસ ન મળ્યા હોવાથી બિનવારશી લાશની ઓળખ માટે આગળની કાર્યવાહી હાથ ધરવામાં આવી છે. અને મૃતક શરીરે પાતળો બાંધો માથાના વાળ કાળા તથા ચહેરો લંબગોળ શરીરને લાલ કલરનો ચેક્સ વાળો આખી બાયનો શર્ટ પહેરેલ છે તથા નીચે કાળા કલરનું જીન્સ પેન્ટ પહેરેલ છે અને ગળામાં સફેદ સુતરનો ધાર્મિક દોરો પહેરેલ છે. જે મૃતક યુવાનના વાલીવારસ મળે કે તેમના અંગે કોઈ જાણકારી હોય તો તપાસ કરનાર અધિકારી પીએસઆઈ એલ.એ. ભરગાના મોબઈલ નં. ૭૬૨૧૯૫૮૧૫૬ અથવા વાંકાનેર તાલુકા પોલીસ સ્ટેશન ટેલીફોન નંબર ૬૩૫૯૬૨૬૦૮૬ પર સંપર્ક કરવા વાંકાનેર તાલુકા પોલીસ સ્ટેશનની યાદીમાં જણાવાયું છે.