વાંકાનેર તાલુકા પંચાયતના કારોબારી ચેરમેને પ્રદેશ ભાજપ પ્રમુખ-નાયબ મુખ્યમંત્રી, મંત્રીઓની કરી મુલાકાત

ગાંધીનગર કમલમ્ ખાતે મોરબી જિલ્લાના વાંકાનેર તાલુકા પંચાયત કારોબારી ચેરમેન શ્રીમતિ જીજ્ઞાસાબેન મેરે પ્રદેશ ભાજપના નવનિયુક્ત પ્રમુખ જગદીશ વિશ્વકર્માની શુભેચ્છા મુલાકાત કરી હતી અને તેઓને અભિનંદન પાઠવ્યા હતા. તે ઉપરાંત ગાંધીનગર સચિવાલય ખાતે ગુજરાતના નાયબ મુખ્યમંત્રી હર્ષભાઈ સંઘવી, કેબિનેટ મંત્રી કુંવરજીભાઈ બાવળિયા, પાણી પુરવઠા મંત્રી ઈશ્વરસિંહ પટેલ, શિક્ષણ મંત્રી શ્રીમતી રિવાબા જાડેજા, રાજ્ય કક્ષાના મંત્રી કાંતિલાલ અમૃતિયા, રાજ્યકક્ષાના મંત્રી સ્વરૂપજી ઠાકોરની શુભેચ્છા મુલાકાત કરીને તેઓના વિસ્તારના શિક્ષણ માટે સરકારી માધ્યમિક શાળાની,પાણી પુરવઠા અને જળ સિંચાઈની,રોડ રસ્તા સહિતના વિવિધ પ્રશ્નોની રજૂઆત કરી હતી.