મોરબીમાં લાયન્સ કલબ સીટી દ્વારા ચાલતા સિવણ કેન્દ્રના લાભાર્થી બહેનોને સર્ટીફીકેટનું વિતરણ કરાયું

સેવા સહકાર અને સહયોગને ચરિતાર્થ કરતા કાયમી પ્રોજેક્ટ અંતર્ગત નવલખી રોડ પર આવેલા રામનગર શ્યામનગર સોસાયટીમાં ૧૭ સામાન્ય પરિવારની લાભાર્થી બહેનોને ત્રિમાસિક કોર્ષ પુરો થયો છે જેથી કરીને કેન્દ્ર સંચાલિકા ક્રિષ્નાબાના માતુશ્રીના હસ્તે દિપ પ્રાગટય કરીને લાયન્સ કલબના સભ્યો અને વૈદ એમ.ડી.જાડેજાની હાજરીમાં સિવણ સર્ટીફીકેટનુ વિતરણ કરવામાં આવ્યું હતુ આ સેવાકીય કાર્યમાં માટે રમેશભાઈ રૂપાલા, કેશુભાઈ દેત્રોજા, હરખજીભાઈ સુવારિયાએ શુભેચ્છા સંદેશો પાઠવ્યો હતો અને લાયન્સ કલબ ઓફ મોરબી સીટી દ્વારા બે સિવણ કેન્દ્રો ચાલે છે જેમાં સિવણ મશીનના દાતા મણીલાલ જે. કાવર છે અને ત્રિભોવનભાઈ ફુલતરિયાએ બહેનોને સ્વનિર્ભર બનો તેમજ બીજાને પણ ઉપયોગી બનો એવી ભાવના વ્યક્ત કરી હતી.