વાંકાનેરમાં રિક્ષામાં બેઠેલા વેપારીના ખિસ્સામાંથી થૂક્વાના બહાને રોકડા 42 હજારની ચોરી
SHARE
JOIN OUR GROUP
વાંકાનેરમાં રિક્ષામાં બેઠેલા વેપારીના ખિસ્સામાંથી થૂક્વાના બહાને રોકડા 42 હજારની ચોરી
વાંકાનેરમાં દાણાપીઠ ચોકથી લક્ષ્મીપરાના મોર્ડન સ્ટોર સુધી અજાણી રિક્ષામાં આધેડ વેપારી બેઠેલ હતા ત્યારે થૂક્વાના બહાને પહેલાથી જ રિક્ષામાં મુસાફરની જેમ બેઠેલા ત્રણ શખ્સો પૈકીનાં કોઈએ વેપારીના ખિસ્સામાંથી રોકડા રૂપિયા 42,000 ની ચોરી કરી હતી જેથી હાલમાં અજાણ્યા શખ્સોની સામે વેપારીએ વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
મૂળ વાંકાનેરના પ્રતાપ ચોક પાસે બ્રાહ્મણ શેરીમાં રહેતા અને હાલમાં રાજકોટ ખાતે રૈયાધાર પાસે આલપા ગ્રીન સિટીની પાછળ જલારામ ચોક ખાતે રહેતા જીતેન્દ્રભાઈ ભગવાનજીભાઈ જોબનપુત્રા (55)એ અજાણ્યા શખ્સોની સામે વાંકાનેર સિટી પોલીસ સ્ટેશન ખાતે ચોરીને ફરિયાદ નોંધાવેલ છે જેમાં જણાવ્યું છે કે, તેઓ પોતાની દુકાને સોપારી અને તમાકુના વેપારના રોકડા રૂપિયા 42,000 લઈને વાંકાનેર દાણાપીઠ લક્ષ્મીપરા પાસેથી અજાણી રીક્ષામાં બેઠા હતા અને ત્યારે તે રિક્ષામાં અગાઉથી ત્રણ શખ્સો પેસેન્જરની જેમ બેઠેલ હતા અને ચાલુ રિક્ષાએ થૂકવાના બહાને ફરિયાદીની નજર ચૂકવીને તેના પેન્ટના ખીસ્સામાંથી રોકડા રૂપિયા 42,000 ની ચોરી કરવામાં આવી છે જેથી કરીને વેપારીએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે
