મોરબી મનપામાં ઓનલાઇન વેબસાઈટથી નગરજનોએ ભર્યા 3 કરોડ: ૪ મહિનામાં ૪૦૦૦ થી વધુ ફરિયાદ મોબાઈલ એપ્લિકેશનથી મળી
SHARE
JOIN OUR GROUP
મોરબી મનપામાં ઓનલાઇન વેબસાઈટથી નગરજનોએ ભર્યા 3 કરોડ: ૪ મહિનામાં ૪૦૦૦ થી વધુ ફરિયાદ મોબાઈલ એપ્લિકેશનથી મળી
મોરબી મહાનગરપાલિકા દ્વારા નાગરિકોના હિત અને સુખાકારી માટે પ્રથમ ચરણમાં વેબસાઈટ અને મોબાઇલ એપ્લિકેશનનું વિમોચન કરવામાં આવ્યું હતું જેના થકી મોરબીના નગરજનોને કચેરી સુધીના ધક્કા ઘટી ગયા છે. અને લોકો ઘેર કે ઓફિસે બેઠા જ વિવિધ સેવાઓનો લાભ મેળવી રહ્યા છે છેલ્લા ૪ માહિનામાં મોબાઇલ એપ્લિકેશનથી નગરજનો દ્વારા ૪૦૦૦ થી વધુ ફરિયાદ આપવામાં આવેલ છે અને ૩ કરોડ થી વધુ રૂપિયા મનપામાં ઓનલાઇન વેબસાઈટથી ભરવામાં આવેલ છે.
મોરબીના નગરજનો વિવિધ પ્રકારના વેરા વેબસાઈટથી ભરી શકે અને ફરિયાદ એપ્લિકેશનથી કરી શકે તેની સુવિધા પહેલા ઊભી કરવામાં આવી હતી જેથી કરીનર મિલકત વેરો ભરપાઈ કરવા માટે મોરબીના લોકોએ મનપાની ઓનલાઇન વેબસાઈટનો ઉપયોગ કરીને અત્યાર સુધીમાં ૩,૩૮,૩૮,૫૯૧ જેટલો વેરો માનાપમા જમા કરાવેલ છે. અને આજ દિવસ સુધીમાં કુલ મળીને ૧૪૩૧૬ જેટલી ફરિયાદ મનપામાં નોંધાયેલ છે જેમાં છેલ્લા ૪ મહિનામાં અંદાજિત ૪૯૨૬ જેટલી ફરિયાદ મોબાઈલ એપ્લિકેશન દ્વારા નગરજનોએ વિવિધ શાખાઓમાં કરી હતી, જેમાંથી મહત્તમ ફરિયાદનો નિકાલ કરવામાં આવ્યો છે, ત્યારે મનપાના અધિકારી જણાવ્યુ છે કે, વેરો ભરવા માટે વેબસાઈટ અને ફરિયાદ કરવા માટે મોબાઇલ એપ્લિકેશનનો નાગરિકો દ્વારા વધુને વધુ ઉપયોગ કરવામાં આવશે તો તેઓને ધક્કા થશે નહીં અને સમય પણ બચી જશે.
