વાંકાનેરના હસનપર નજીક આવેલ કારખાનામાં ઈલેક્ટ્રીક શોર્ટ લાગતાં બે વર્ષના બાળકનું મોત

વાંકાનેરના જેતપરડા રોડ ઉપર આવેલ કારખાનાની બાજુમાં વાડીએ રહીને મજૂરી કામ કરતા પરિવારનો બે વર્ષનો દીકરો કારખાનામાં રમતો હતો ત્યારે તેને ઈલેક્ટ્રીક શોર્ટ લાગ્યો હતો. જેથી કરીને તે બાળકનું મોત નીપજયું હતું ત્યારબાદ તેના મૃતદેહને વાંકાનેર સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે વાંકાનેર સીટી પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ એમપીના રહેવાસી અને હાલમાં વાંકાનેરના જેતપરડા રોડ ઉપર સિરામિક કારખાનાની બાજુમાં આવેલ પ્રભુભાઈ વીરસોડિયાની વાડીએ રહીને મજૂરી કામ કરતા દિનેશ ફુલસિંગભાઈ ભુરીયાનો બે વર્ષનો દીકરો લક્કી હસનપર ગામની સીમમાં આવેલ ફોર્ચ્યુનર રિફેકટરી કારખાનામાં રમતો હતો ત્યારે તેને રમતા રમતા ઈલેક્ટ્રીક શોર્ટ લાગી ગયો હતો જેથી તે બાળકનું મોત નીપજ્યું હતું અને ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને આ બનાવની વાંકાનેર સિટી પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે