વાંકાનેરમાં જુદીજુદી જગ્યાએ ફ્રુટ વિતરણ કરીને કેબિનેટમંત્રી કુંવરજીભાઈ બાવળીયાના જન્મદિવસની કરાઇ ઉજવણી

ગુજરાત રાજ્યના કેબિનેટ મંત્રી અને અખિલ ભારતીય કોળી સમાજ રજી. (ન્યૂ દિલ્હી)ના રાષ્ટ્રીય અધ્યક્ષ કુંવરજીભાઈ બાવળિયાના જન્મદિવસની ઉજવણી નિમિત્તે સમગ્ર રાજ્યમાં વિવિધ સ્થળોએ વિવિધ કાર્યક્રમોનું આયોજન કરવામાં આવ્યું હતું, જેમાં મોરબી જિલ્લાના વાંકાનેરમાં સરકારી હોસ્પિટલ ખાતે તેમજ મચ્છુ કાંઠા વૃદ્ધાશ્રમ ખાતે લાભાર્થીઓને ફ્રૂટકીટ વિતરણ કરવામાં આવ્યું હતું. જેમાં અખિલ ભારતીય કોળી સમાજના મહિલા પ્રદેશ પ્રમુખ અને તાલુકા પંચાયત ચેરમેન જિજ્ઞાસાબેન મેર, સદસ્ય દામજીભાઈ ધોરીયા, અખિલ ભારતીય કોળી સમાજ મોરબી જિલ્લા મહામંત્રી શૈલેષભાઈ, જિલ્લા મહિલા પ્રમુખ શાંતાબેન જાંબુકિયા, તાલુકા મહિલા ઉપપ્રમુખ રમીલાબેન સહિત આગેવાનો દ્વારા ફ્રૂટકીટ વિતરણ કરાયું હતું.