મોરબીમાં રોડ સાઈડમાં ઉભેલા વૃદ્ધને રિવર્સમાં વાહન લેતા સમયે હડફેટે લેતા થાપા, કમર અને ગોળામાં ફેક્ચર

મોરબીના નજરબાગ રેલવે સ્ટેશન પાસે આવેલ બૌદ્ધનગરમાં આંગણવાડી સામે વૃદ્ધ ઉભા હતા ત્યારે વાહન ચાલકે પાછળ જોયા વગર વાહનને રિવર્સમાં લીધું હતું જેથી વૃદ્ધના ડાબા પગના પંજામાં ઇજા થઈ હતી તેમજ થાપા, કમર અને ગોળામાં ફેક્ચર જેવી ઈજા થઈ છે જેથી તેઓને સારવારમાં લઈ જવામાં આવ્યા હતા અને ત્યાર બાદ વૃદ્ધે નોંધાવેલ ફરિયાદ આધારે પોલીસે વાહન ચાલક સામે ગુનો નોધીને આરોપીને પકડવા માટે તજવીજ શરૂ કરેલ છે

મોરબીના ભડીયાદ રોડ ઉપર નજરબાગ રેલવે સ્ટેશનની સામેના ભાગમાં આવેલ બૌદ્ધનગર વિસ્તારમાં રહેતા લખુભાઈ દાનાભાઈ સોલંકી (60) નામના વૃદ્ધે વાહન નંબર જીજે 36 એલ 3965 ના ચાલક સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, બોદ્ધનગર વિસ્તારમાં આવેલ આંગણવાડી પાસે તેઓ ઉભા હતા ત્યારે વાહન ચાલકે પાછળ જોયા વગર પોતાનું વાહન રિવર્સમાં લીધું હતું અને ત્યારે ફરિયાદીને હડફેટે લેતા તેના ડાબા પગના પંજામાં ઇજા કરી હતી તેમજ ડાબા પગના થાપા, કમર અને ગોળામાં ફ્રેક્ચર જેવી ઇજા કરી છે જેથી સારવાર માટે તેઓને હોસ્પિટલે લઈ ગયા હતા અને ત્યારબાદ વૃદ્ધે નોંધાવેલ ફરિયાદ આધારે પોલીસે વાહનચાલક સામે ગુનો નોંધી આરોપીને પકડવા માટે તજવીજ શરૂ કરેલ છે.