મોરબીના ખાખરાળા ગામ પાસે બસમાંથી ઉતરીને રોડ ક્રોસ કરતાં બે મહિલા સહિત 4 પૈકીનાં 3 લોકોને કાર ચાલકે ઉડાવ્યા

મોરબીના નવલખી રોડ ઉપર આવેલ ખાખરાળા ગામ પાસે બસમાંથી ઉતરીને વૃદ્ધ સહિત કુલ ચાર વ્યક્તિઓ રોડ ક્રોસ કરી રહ્યા હતા ત્યારે કાર ચાલકે બે મહિલા  સહિત ત્રણ લોકોને હડફેટે લીધા હતા જેથી કરીને તે ત્રણેય વ્યક્તિઓને ઇજાઓ થઈ હોવાથી તેને તાત્કાલિક સારવાર માટે હોસ્પિટલે લઈ જવામાં આવ્યા હતા અને આ બનાવ સંદર્ભે હાલમાં વૃદ્ધે નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીના રવાપર રોડ પર આવેલ મારુતિનગરમાં રહેતા ત્રિભોવનભાઈ સંઘાભાઈ કડીવાર (74)એ હાલમાં કાર નંબર જીજે 4 સીઆર 6890 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, મોરબીના નવલખી રોડ ઉપર આવેલ ખાખરાળા ગામ પાસે હનુમાનજી મંદિર નજીક રોડ ઉપરથી તેઓ તથા સાહેબ પ્રભાબેન, ગોવિંદભાઈ તથા રમાબેન બધા બસમાંથી ઉતરીને રોડ ક્રોસ કરી રહ્યા હતા દરમ્યાન આરોપીએ પોતાની કાર પૂર ઝડપે ચલાવી હતી અને બેફિકરાઈથી કાર ચલાવીને સાહેબ ગોવિંદભાઈ, પ્રભાબેન અને રમાબેનને હડફેટે લીધા હતા જે બનાવમાં પ્રભાબેનને જમણા પગના થાપાના ભાગે ઇજાઓ થઈ હતી અને ગોવિંદભાઈને માથામાં હેમરેજ, ડાબી બાજુએ પાંસળી, ખભા અને બે મણકામાં ફેક્ચર જેવી ઈજા કરેલ છે તેમજ રમાબેનને પણ ઇજા થઈ હતી જેથી ઇજાગ્રસ્તોને તાત્કાલિક સારવાર માટે હોસ્પિટલ લઈ ગયા હતા અને આ બનાવ સંદર્ભે હાલમાં વૃદ્ધે નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે