મોરબીમાં મકાનની લોનનો હપ્તો ભરવામાં મોડું થતાં યુવાનને ફાઇનાન્સ બેન્કના કર્મચારીએ ગાળો આપી માર માર્યો: જાનથી મારી નાખવાની ધમકી

મોરબીના રવાપર રોડ ઉપર આવેલ શ્યામ પાર્ક સોસાયટીમાં રહેતા યુવાને મકાનની લોન લીધી હતી અને તેનો હપ્તો ભરવામાં મોડું થયું હતું જેથી ફાઇનાન્સ બેન્કના કર્મચારીએ ફોન ઉપર યુવાનને ગાળો આપી હતી અને સનાળા રોડ ઉપર સરદારબાગ પાસે યુવાનને બોલાવવામાં આવ્યો હતો ત્યાં યુવાનને બે શખ્સોએ ગાળો આપીને મારમાર્યો હતો તેમજ જાનથી મારી નાખવાની ધમકી આપી હતી જેથી યુવાને મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે આરોપીઓને પકડવા માટે તજવીજ શરૂ કરેલ છે

મોરબીના રવાપર રોડ ઉપર આવેલ શ્યામ પાર્કમાં રહેતા મેહુલકુમાર પરસોતમભાઈ ધોરીયાણી (30)એ હાલમાં મોરબી એ ડિવિઝન પોલીસ સ્ટેશન ખાતે હિંદુજા ફાઇનાન્સ બેંકમાં કામ કરતા શિવુભા દરબાર તથા એક અજાણ્યા માણસની સામે ફરિયાદ નોંધાવેલ છે જેમાં જણાવ્યુ છે કે, તેણે હિન્દુજા ફાઈનાન્સ બેંકમાંથી મકાનની લોન લીધી હતી અને મકાનનો હપ્તો આપવામાં મોડું થયું હતું જેથી શિવુભા દરબારે ફરિયાદીને ફોન કરીને ફોનમાં ગાળો આપી હતી અને સરદારબાગ પાસે તેને બોલાવતા ફરિયાદી ત્યાં ગયો હતો ત્યારે શિવુભા દરબાર અને અન્ય એક શખ્સ ત્યાં હાજર હોય તે બંનેએ ફરિયાદીને ગાળો આપી હતી અને ઢીકાપાટુનો મારમાર્યો હતો તેમજ શિવુભા દરબારે ફરિયાદીને જાનથી મારી નાખવાની ધમકી આપી હતી જેથી યુવાને મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે