મોરબીમાં મુસ્કાન વેલફેર સોસાયટી દ્વારા 19 અસહાય માતાઓને રાશન કીટ અર્પણ

મોરબીમાં મુસ્કાન વેલફેર સોસાયટી દ્વારા છેલ્લા બે વર્ષથી “Adoption of Maa” પ્રોજેક્ટ સફળતાપૂર્વક ચલાવવામાં આવી રહ્યો છે. આ પ્રોજેક્ટ હેઠળ અસહાય અને જરૂરિયાતમંદ માતાઓને દર મહિને બેઝિક રાશન કિટ આપવામાં આવે છે. આ વર્ષે સંસ્થાએ 19 માતાઓને રાશન કીટ માટે દત્તક લીધી છે અને કુલ મળીને 43 માતાઓને આજ સુધીમાં રાશન કીટ આપવામાં આવેલ છે. અને તમામ માતાઓને સમગ્ર વર્ષ દરમિયાન દર મહિને નિયમિત રીતે રાશન કિટ આપવામાં આવશે. મુસ્કાન વેલફેર સોસાયટીનો આ પ્રયાસ સમાજમાં સહાનુભૂતિ અને સહકારની ભાવનાને વધુ મજબૂત બનાવે છે અને જરૂરિયાતમંદ માતાઓ માટે આશાનું કિરણ બની રહ્યો છે.