મોરબી જિલ્લા પંચાયતમાં 71.09 ટકા મતદાન: 3 પાલિકા-5 તાલુકા પંચાયત માટે ઉત્સાહ પૂર્વક મતદારોએ કર્યું મતદાન

મોરબી જીલ્લાની સ્થાનિક સ્વરાજ્ય ચુંટણીમાં મતદાન પૂર્ણ થયું છે ત્યારે મોરબી જીલ્લા પંચાયતમ પાંચ તાલુકા પંચાયત અને 3 પાલિકા માટે મતદારો દ્વારા ઉત્સાહ પૂર્વક મતદાન કરવામાં આવ્યું છે જો કે, મતદારોનો મિજાજ કોના તરફી છે તે હાલમાં કોઈ કહી શકે તેમ નથી.

મોરબી જીલ્લાની સ્થાનિક સ્વરાજ્યની ચુંટણીમાં મોરબી જિલ્લા પંચાયત અને પાંચ તાલુકા પંચાયત અને ત્રણ પાલિકાની ચૂંટણીના મતદાનના આંકડા ઉપર નજર કરીએ તો મોરબી જીલ્લા પંચાયતમાં 71.09 ટકા, વાંકાનેર નગરપાલિકામાં 58.56 ટકા, માળિયા (મી.) નગરપાલિકામાં 71.92 ટકા અને ટંકારા નગરપાલિકામાં 81.27 ટકા મતદાન થાયુ છે જયારે માળિયા તાલુકા પંચાયતમાં 69.11 ટકા, મોરબી તાલુકા પંચાયતમાં 67.38 ટકા, હળવદ તાલુકા પંચાયતમાં 66.81 ટકા, ટંકારા તાલુકા પંચાયતમાં 73.16 ટકા અને વાંકાનેર તાલુકા પંચાયતમાં 77.81 ટકા મતદાન નોંધાયું છે.