મોરબીમાં કુબેર ટોકીઝના મેદાન પાસે જુગાર રમતા 5 શખ્સ પકડાયા

મોરબીના શોભેશ્વર રોડ ઉપર આવેલ કુબેર ટોકીઝની પાછળના ભાગમાં આવેલ મેદાનમાં જુગારની રેડ કરી હતી ત્યારે સ્થળ ઉપરથી જુગાર રમતા 5 શખ્સો મળી આવ્યા હતા જેથી પોલીસે 15,000 રૂપિયાની રોકડ સાથે આરોપીઓને પકડીને તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

મોરબી બી ડિવિઝન પોલીસની ટીમ પેટ્રોલિંગમાં હતી ત્યારે શોભેશ્વર રોડ ઉપર આવેલ કુબેર ટોકીઝના પાછળના મેદાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે રવિભાઈ બળદેવભાઈ સોલંકી (38), દેવજીભાઈ પરસોત્તમભાઈ વરાણીયા (40), દિનેશભાઈ બાબુભાઈ વઢીયારા (25), હરજીભાઈ રાજાભાઈ ગમારા (35) અને જયસુખભાઈ કરસનભાઈ ધોળકિયા (35) રહે. બધા મોરબી વાળા જુગાર રમતા મળી આવ્યા હોય પોલીસે 15,000ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.