મોરબીમાં બી ડિવિઝન પોલીસ સ્ટેશન નજીક વાડીમાં ગાંજાનું વાવેતર !: 2.18 લાખની કિંમતનો 4 કિલો 376 ગ્રામ ગાંજો કબ્જે
SHARE
JOIN OUR GROUP
મોરબીમાં બી ડિવિઝન પોલીસ સ્ટેશન નજીક વાડીમાં ગાંજાનું વાવેતર !: 2.18 લાખની કિંમતનો 4 કિલો 376 ગ્રામ ગાંજો કબ્જે
મોરબી બી ડિવિઝન પોલીસ સ્ટેશન નજીકના વિસ્તારમાં આવેલ ભારતપરા મફતિયા પરામાં વાડામાં ગાંજાનું વાવેતર કર્યું હોવાની બાતમી એસઓજીની ટીમને મળી હતી જેના આધારે એસઓજીની ટીમે ત્યાં રેડ કરી હતી ત્યારે સ્થળ ઉપરથી 4 કિલો 376 ગ્રામ ગાંજા મળી આવેલ હતો જેથી કરીને પોલીસે 2.18 લાખનો મુદામાલા જથ્થો કબજે કરીને આરોપીની ધરપકડ કરેલ છે અને બી ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરેલ છે.
મોરબી જિલ્લા એસઓજીની ટીમ પેટ્રોલિંગમાં હતી ત્યારે મોરબીમાં વિદ્યુત સોસાયટી પાછળ આવેલ ભારતનગરના મફતીયાપરામાં રહેતા પ્રભુભાઈ રઘાભાઈ મકવાણાના કબજા વાળા વાડાની અંદર ગાંજાનું વાવેતર કરવામાં આવ્યું હોવાની બાતમી મળી હતી જેથી એસઓજીની ટીમ દ્વારા ત્યાં રેડ કરવામાં આવી હતી ત્યારે ત્યાં સ્થળ ઉપરથી ગાંજાના નાના-મોટા 8 છોડ જેનું વજન 4 કિલો 086 ગ્રામ જેની કિંમત 2,04,300 અને ગાંજાનો ચોખ્ખો વજન 290 ગ્રામ જેની કિંમત 14,500 આમ કુલ મળીને 4 કિલો 376 ગ્રામ ગાંજાની કુલ કિંમત 2,18,800 રૂપિયા થાય છે તે મુદ્દામાલ કબજે કરવામાં આવ્યો હતો અને આરોપી પ્રભુભાઈ રઘુભાઈ મકવાણા (67) રહે. વિદ્યુતનગર પાછળ ભારતનગર મફતીયાપરા મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે એનડીપીએસ એક્ટ મુજબ ગુનો નોંધીને પોલીસે આગળની કાર્યવાહી હાથ ધરી છે.
