મોરબીમાં અખિલ ગુજરાત રાજપૂત યુવા સંઘ દ્વારા જીલ્લાના નવનિયુક્ત પ્રમુખ-ચૂંટાયેલ આગેવાનોનો સન્માન  સમારોહ યોજાયો

મોરબીના નવલખી રોડ પર આવેલ ત્રિમંદિર ખાતે અખિલ ગુજરાત રાજપૂત યુવા સંઘ મોરબી જિલ્લા દ્વારા સન્માન સમારોહનું આયોજન કરવામાં આવ્યું હતું જેમાં મોરબી જિલ્લાના નવનિયુક્ત પ્રમુખ તથા સ્થાનિક સ્વરાજની ચૂંટણીઓના ચૂંટાયેલા ક્ષત્રિય સમાજના આગેવાનોનું સન્માન કરવામાં આવ્યું હતું

મોરબીના નવલખી રોડ ઉપર જેપુર ગામ પાસે આવેલ ત્રિમંદિર ખાતે અખિલ ગુજરાત રાજપૂત યુવા સંઘ મોરબી જિલ્લા દ્વારા સન્માન સમારોહનું આયોજન કરવામાં આવ્યું હતું આ સન્માન સમારોહમાં તાજેતરમાં અખિલ ગુજરાત રાજપૂત યુવા સંઘ મોરબી જિલ્લાના પ્રમુખ પદે મહેન્દ્રસિંહ ડી. ઝાલા (રંગપર)ની વરણી કરવામાં આવેલ હોય તેઓનું સન્માન કરવામાં આવ્યું હતું તેની સાથોસાથ અખિલ ગુજરાત રાજપૂત યુવા સંઘ પ્રદેશની ટીમમાં મંત્રી તરીકે જયવંતસિંહ જાડેજા. અને યુવા પાંખના પ્રદેશ ઉપાધ્યક્ષ રામદેવસિંહ ઝાલા રહે. ઢુવા વાળાની વરણી થયેલ હોય તેઓનું સન્માન કરવામાં આવ્યું હતું તેની સાથોસાથ તાજેતરમાં જ સ્થાનિક સ્વરાજની ચૂંટણીઓ સંપન્ન થાય છે અને આ ચૂંટણીમાં ક્ષત્રિય સમાજના જે આગેવાનોને કોઈપણ પક્ષ તરફથી ટિકિટ મળી હોય અને તે લોકો ચૂંટણીમાં વિજેતા થયા હોય તેવા તમામ આગેવાનોનું અખિલ ગુજરાત રાજપૂત યુવા સંઘ મોરબી જિલ્લા દ્વારા સન્માન કરવામાં આવ્યું હતું આ તકે અખિલ ગુજરાત રાજપૂત યુવા સંઘના પ્રદેશ પ્રમુખ નીરુભા ઝાલા, મોરબી જિલ્લાના પ્રમુખ મહેન્દ્રસિંહ ઝાલા, પ્રદેશના મંત્રી જયવંતસિંહ જાડેજા તેમજ મોરબી જીલ્લા રાજપૂત સમાજના પ્રમુખ દશરથસિંહ  ઝાલા, દિલુભા જાડેજા (જયદીપ કંપની), નરેન્દ્રસિંહ ઝાલા (પંચાસર) સહિતના આગેવાનો હાજર રહ્યા હતા