મોરબીમાં બોર્ડની પૂરક પરીક્ષાની તૈયારીઓની સમીક્ષા અર્થે બેઠક યોજાઈ
Morbi Today
ટીબી મુક્ત ભારત: લાયન્સ ક્લબ ઓફ મોરબી સિટી દ્વારા ૨૫ દર્દીઓને પોષણ કીટનું વિતરણ
SHARE
JOIN OUR GROUP
ટીબી મુક્ત ભારત: લાયન્સ ક્લબ ઓફ મોરબી સિટી દ્વારા ૨૫ દર્દીઓને પોષણ કીટનું વિતરણ
દેશને ક્ષયમુક્ત કરવાના ઉમદા સંકલ્પ સાથે ચાલતા ‘ટીબી મુક્ત ભારત અભિયાન’ અંતર્ગત મોરબી જિલ્લામાં સરકારી તંત્ર અને સામાજિક સંસ્થાઓના સમન્વયથી પ્રશંસનીય કામગીરી થઈ રહી છે. ટીબીના જરૂરિયાતમંદ દર્દીઓને દવાઓની સાથે નિયમિત પોષણયુક્ત આહાર મળી રહે અને તેઓ આ રોગમાંથી ઝડપથી સ્વસ્થ થાય તેવા આશયથી સેવાભાવી સંસ્થા લાયન્સ ક્લબ ઓફ મોરબી સિટી દ્વારા મોરબીના ગોકુલનગર અર્બન હેલ્થ સેન્ટર ખાતે અત્યંત જરૂરિયાતમંદ એવા ૨૫ ટીબીના દર્દીઓને દૈનિક વપરાશ માટેની પોષણયુક્ત રાશન કીટનું વિતરણ કરવામાં આવ્યું હતું. આ કાર્યક્રમમાં લાયન્સ ક્લબ ઓફ મોરબી સિટીના પ્રમુખ હરજીભાઈ સુવારીયા, કેશુભાઇ દેત્રોજા, રમેશભાઈ રૂપાલા, ચંદુભાઈ કુંડારિયા સહિતના સભ્યો હાજર રહ્યા હતા. આ કાર્યક્રમના આયોજન માટે જિલ્લા ક્ષય કેન્દ્રના સુપરવાઈઝર દીપકભાઇ પટેલ, ડિસ્ટ્રિક્ટ પ્રોગ્રામ કો-ઓર્ડિનેટર પિયુષભાઈ જોષી, મોરબી તાલુકા સુપરવાઈઝર શૈલેષભાઈ પારેજીયા, અર્બન હેલ્થ સેન્ટરના મેડિકલ ઓફિસર ડૉ. શ્રેયા માતરિયા, આયુષ મેડિકલ ઓફિસર ડૉ. ધરતી પડસુંબિયા તેમજ સેન્ટરના આરોગ્ય સ્ટાફ દ્વારા જહેમત ઉઠાવવામાં આવી હતી.
