મોરબીમાં ઇન્સ્ટગ્રામમાં મેસેજ કરીને પતિને પૂછનારી પત્નીને પટ્ટા વડે શરીરે અને માથામાં માર માર્યો

મોરબીના શનાળા ગામે નવા પ્લોટ વિસ્તારમાં રહેતી મહિલાએ તેના પતિને ઇન્સ્ટગ્રામમાં મેસેજ કર્યો હતો તે બાબતે પૂછતી હતી દરમ્યાન તે મહિલાનો પતિ ઉશકેરાઈ ગયો હતો અને પટ્ટા વડે શરીરે તથા માથામાં બક્કલ વડે માર માર્યો હતો અને મારામારીમાં મહિલાની આંગળીમાંથી નખ નીકળી ગયો હતો તેમજ મહિલાને તેના સાસુ દ્વારા ગાળો આપવામાં આવી હતી અને ભોગ બનેલ મહિલાને તેના પતિ એન સાસુ દ્વારા અવારનવાર શરરિક અને માનસિક ત્રાસ આપવામાં આવતો હતો અને પતિ દ્વારા મારી નાખવાની ધમકી આપવામાં આવતી હતી જેથી મહિલાએ સારવાર લીધા બાદ મહિલા પોલીસ સ્ટેશને ફરિયાદ નોંધવતા પોલીસે ગુનો નોંધીને આરોપી પતિને પકડીને આગળની કાર્યવાહી કરેલ છે.

મોરબીના શનાળા ગામે નવા પ્લોટમાં રહેતા સુનીતાબેન પ્રકાશભાઈ સોલંકી (32) એ હાલમાં તેના પતિ પ્રકાશભાઈ છગનભાઈ સોલંકી અને સાસુ નંદુબેન છગનભાઈ સોલંકી રહે.બંને શનાળા વાળાની સામે ફરિયાદ નોંધાવેલ છે જેમાં તેને જણાવ્યું છે કે ફરિયાદીએ પોતાના પતિના મોબાઇલમાં ઇન્સ્ટગ્રામમાં મેસેજ કરેલ હતો.જે બાબતે પૂછતા ફરિયાદીનો પતિ ઉશ્કેરાઈ ગયો હતો અને તેને ફરિયાદીને પટ્ટા વડે શરીરે અને માથાના ભાગે પટ્ટાના બક્કલ વડે માર માર્યો હતો અને મારામારીમાં ફરિયાદીની ટચલી આંગળીનો નખ નીકળી ગયો હતો જ્યારે મહિલાને તેની સાસુએ ગાળો આપી હતી.આમ પતિ તથા સાસુ દ્વારા અવારનવાર શારીરિક-માનસિક ત્રાસ આપવામાં આવતો હતો તથા મહિલાને તેના પતિએ મારી નાખવાની ધમકી આપી હતી.જેથી ભોગ બનેલ મહિલાએ સારવાર લીધા બાદ હાલમાં તેના પતિ અને સાસુ સામે ફરિયાદ નોંધાવતા પોલીસે આ ગુનામાં પતિ પ્રકાશભાઈ છગનભાઈ સોલંકી (32) ને પકડીને આગળની રાબેતા મુજબની કાર્યવાહી હાથ ધરી હતી

યુવાન ગુમ

મોરબીના વીસીપરા વિસ્તારમાં આવેલ રોહીદાસપરા રેલવે સ્ટેશનની પાછળના ભાગમાં રહેતા રોશનબેન રફિકભાઈ શેડાત (30) નામના મહિલાએ વીસીપરામાં આવેલ ખાડા વિસ્તારમાં રહેતો હાસમ સેડત (20) નામનો યુવાન માનસિક બીમાર હોય ઘરેથી બાથરૂમ જવાનું કહીને નીકળ્યો હતો.ત્યારબાદ તે પરત આવ્યો નથી જેથી યુવાન ગુમ થઈ ગયેલ હોવાની ગુમસુધા ફરિયાદ આપી છે જેના આધારે બી ડિવિઝન પોલીસે નોંધ કરીને ગુમ થયેલા યુવાનને શોધવા માટે બી ડિવિઝન પોલીસ સ્ટાફના સતિષભાઇ ગડચરએ તજવીજ હાથ કરી છે.