વાંકાનેરના ઢુવા માટેલ રોડ ઉપરથી શંકાસ્પદ બાઇક સાથે એક શખ્સ ઝડપાયો

વાંકાનેરના ઢુવા માટેલ રોડ પરથી નંબર પ્લેટ વગરનું બાઈક લઈને એક શખ્સ પસાર થઈ રહ્યો હતો તેને રોકીને પોલીસે ચેક કર્યો હતો ત્યારે તેની પાસે બાઈકની આરસી બુક ન હોવાની સામે આવ્યું હતું અને આ બાઇક તેને ચોરી કરીને કે પછી છળકપટથી મેળવ્યું હોવાનું સામે આવ્યું હતુ જેથી બાઇક અને આરોપી બંને એસઓજીની ટીમે બાઈક તથા આરોપી બંને વાંકાનેર તાલુકા પોલીસ સ્ટેશન ખાતે સોંપી દીધેલ છે.

મોરબી જિલ્લા એસઓજીની ટિમ પેટ્રોલીંગમાં હતી ત્યારે વાંકાનેર તાલુકાના ઢુવા માટેલ રોડ ઉપર આવેલ ઉમિયા સીરામીક પાસેથી નંબર પ્લેટ વગરનું બાઈક લઈને એક શખ્સ પસાર થઈ રહ્યો હતો જેને રોકીને પોલીસે તેની પાસેથી બાઈકની આરસીબુક અને કાગળ માંગ્યા હતા ત્યારે બાઇક લઈને નીકળેલ શખ્સ ગલ્લા તલ્લા કરવા લાગ્યો હતો અને તેની પાસેથી સંતોષકારક જવાબ ન મળતા પોલીસે એન્જિન નંબર અને ચેસિસ નંબર આધારે બાઈકની વિગત ચેક કરી હતી ત્યારે બાઈક ચોરીથી કે છળકપટથી મેળવેલ હોવાનું સામે આવ્યું હતું જેથી બીએનએસની કલમ 106 (1) મુજબ કાર્યવાહી કરીને આરોપી નવાજ નિઝામુદ્દીન શેરસીયા રહે. લિંબાળા તાલુકો વાંકાનેર વાળાને પકડવામાં આવેલ છે અને બાઈક તથા આરોપી બંને વાંકાનેર તાલુકા પોલીસ હવાલે કરવામાં આવ્યા છે