મોરબીમાં જેતપર ગામે બળજબરીપૂર્વક તંત્ર દ્વારા MRC કમિટીની રચના કરવામાં આવી રહી હોવાનો ખેડૂત આગેવાનનો આક્ષેપ
SHARE
JOIN OUR GROUP
મોરબીમાં જેતપર ગામે બળજબરીપૂર્વક તંત્ર દ્વારા MRC કમિટીની રચના કરવામાં આવી રહી હોવાનો ખેડૂત આગેવાનનો આક્ષેપ
મોરબીના જેતપર ગામ પાસે ખાનગી વીજ કંપનીના પોલ ઊભા કરવાનું કામ છેલ્લા ઘણા સમયથી બંધ છે તેવામાં ખેડૂતોને એમઆરસી કમિટી માટેની નોટિસ આપવામાં આવેલ છે જેથી ખેડૂતોએ તંત્ર સામે કેટલાક અણીદાર સવાલો કરેલ છે જેમાં વીજ લાઈન નાખવાની આટલી બધી ઉતાવળ કોને છે ?, કંપનીએ નોટિસ આપી નથી ત્યાં તંત્રે કેમ નોટિસ આપી ? વિગેરેનો સમાવેશ થાય છે અને વધુમાં ખેડૂતોએ એવો પણ આક્ષેપ કર્યો છે કે તંત્ર અને સરકાર ખેડૂત હિતેચ્છુ નહીં. પરંતુ ખાનગી વીજકંપની હિતેચ્છુ હોય તે રીતે કામ કરે છે. એટલા જ માટે 21 તારીખે ઇશ્યૂ કરેલ નોટિસ ખેડૂતોને 23 તારીખે આપવામાં આવે છે અને તેમાં વાંધા રજૂ કરવા માટે માત્ર 2 જ દિવસનો સમય આપવામાં આવેલ છે. આમ ખેડૂતો કાયદાકીય સલાહ લેવા માટે કેવી રીતે જઈ શકે અને કેવી રીતે વાંધા અરજી રજૂ કરી શકે તે સૌથી મોટો સવાલ છે.
મોરબીના જેતપર ગામે હાલમાં ખેડૂતો દ્વારા ખાનગી વીજ કંપની પાસેથી વીજપોલ સામે વળતર મેળવવા માટે આંદોલન કરવામાં આવી રહ્યું છે અને સરકારે નવી વળતર નીતિ માટે જે પરિપત્ર જાહેર કર્યો હતો તેનો ખેડૂતોએ અસ્વીકાર કર્યો હતો તો પણ નવી વળતર નીતિમાં જે એમઆરસી કમિટીની રચના કરવાનું કહેવામા આવ્યું છે તે એમઆરસી કમિટીની રચના કરવા માટે તલાટિ મારફતે કલેકટરની નોટિસ આવેલ છે જે બાબતે આંદોલનકારી નેહુલ અમૃતિયાએ જણાવ્યુ હતું કે, પહેલા કંપની દ્વારા ખેડૂતોને નોટિસ આપવાની હોય છે જો કે, કંપનીએ હજુ નોટિસ આપેલ નથી ત્યાં કલેક્ટર કચેરીમાંથી એમઆરસી કમિટી માટેની નોટિસ આપવામાં આવેલ છે જો ખેડૂતોને નવી વળતર નીતિનો પરિપત્ર જ મંજૂર ન હોય તો પછી એમઆરસી કમિટીમાં રહેવાનો પ્રશ્ન જ ઊભો થતો નથી. પરંતુ તંત્ર દ્વારા ખેડૂતોને બળજબરીપૂર્વક એમઆરસી કમિટીમાં જોડાવા માટે હાલમાં નોટિસ આપવામાં આવેલ છે અને તેમાં પણ 182 થી વધુ ખેડૂતો અસરગ્રસ્ત છે. પરંતુ હાલમાં માત્ર વીજપોલ આવે છે તે ખેડૂતોને જ નોટિસ આપવામાં આવી રહી છે જેથી અધિકારીઓએ અને તંત્ર ખેડૂતોના નહીં પરંતુ કંપનીઓના હિતમાં કામ કરી રહ્યા છે તેવી આક્ષેપ તેના દ્વારા કરવામાં આવેલ છે. જો આમ કરવામાં આવે તો ખેડૂતોના બંધારણીય અને કાયદાકીય અધિકારો છીનવઇ જશે અને વીજપોલ ઊભા કરવા માટે કંપનીને ઉતાવળ છે કે તંત્રને તે ખેડૂતોને હાલમાં સમજાતું નથી અને હાલમાં આપવામાં આવેલ નોટિસને લઈને ખેડૂતોમાં ભારે રોષની લાગણી ફેલાયેલ નથી. અને આગામી સમયમાં કાનૂની લડત માટેની ખેડૂતોએ તૈયારીઓ દર્શાવી છે.
