મોરબીમાંથી દારૂ ભરેલી કાર સાથે એક પકડાયો, 3.10 લાખનો મુદ્દામાલ કબજે: એકની શોધખોળ

મોરબીના સનાળા ગામથી ઘુનડા ગામ તરફ જવાના રસ્તા ઉપરથી ઇકો ગાડી પસાર થઈ રહી હતી જેને પોલીસ દ્વારા રોકીને ચેક કરવામાં આવી હતી ત્યારે ગાડીમાંથી 300 લીટર દેશી દારૂનો જથ્થો મળી આવતા દારૂ તથા કાર મળીને પોલીસે 3.10 લાખના મુદ્દામાલને કબજે કરીને એક આરોપીની ધરપકડ કરી હતી અને દારૂ મંગાવનારનું નામ સામે આવ્યું હોય બે શખ્સની સામે ગુનો નોંધીને બીજા આરોપીને પકડવા માટે તજવીજ શરૂ કરેલ છે.

મોરબીના સનાળા ઘુનડા રોડ ઉપર તળાવ પાસેથી ઇકો ગાડી નંબર જીજે 36 એએલ 6213 પસાર થઈ હતી જેને પોલીસ દ્વારા રોકીને ચેક કરવામાં આવી હતી ત્યારે તે ઇકો ગાડીની અંદર પ્લાસ્ટિકના છ બાચકા ભરેલા હતા જેમાંથી 300 લીટર દેશી દારૂનો જથ્થો મળી આવતા 60,000 રૂપિયાની કિંમતનો દારૂ તેમજ 2.50 લાખ રૂપિયાની કિંમતની ગાડી એમ કુલ મળીને 3.10 લાખના મુદામાલને કબજે કરવામાં આવ્યો હતો અને પોલીસે ઇકો ગાડીના ચાલક શૈલેષભાઈ વિનુભાઈ સુરેલા (35) રહે. જોધપર નદી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ દારૂનો જથ્થો તે સનાળા ગામે રહેતા વિશ્વરાજસિંહ જાડેજાને આપવા માટે જઈ રહ્યો હોવાનું સામે આવ્યું હતું જેથી દારૂ સહિતના મુદ્દામાલ સાથે આરોપીને પકડીને પોલીસે એ ડિવિઝન પોલીસ સ્ટેશન ખાતે બે શખ્સોની સામે ગુનો નોંધીને બીજા આરોપીને પકડવા માટેની તજવીજ શરૂ કરી છે.