મોરબીમાં મિત્રે સાચવવા માટે દેશી કટ્ટામાંથી ફાયરિંગ થતાં ઇજા પામેલ યુવાન રાજકોટ સારવારમાં
Morbi Today
મોરબીના મકનસર ગામે ઘરમાં ગળાફાંસો ખાઈને કર્યો આપઘાત: મોટા દહીસરા પાસે હાર્ટ એટેકથી યુવાનનું મોત
SHARE
JOIN OUR GROUP
મોરબીના મકનસર ગામે ઘરમાં ગળાફાંસો ખાઈને કર્યો આપઘાત: મોટા દહીસરા પાસે હાર્ટ એટેકથી યુવાનનું મોત
મોરબીના મકાનસર ગામે રહેતા યુવાને પોતે પોતાના ઘરની અંદર ગળાફાંસો ખાઈને આપઘાત કર્યો હતો જ્યારે માળીયા મીયાણાના મોટા દહીસરા ગામ નજીક જેટકો સબ સ્ટેશન પાસે કામ કરતા યુવાનનું હાર્ટ એટેકથી મોત નીપજયું હતું જે બંને બનાવની પોલીસે નોંધ કરીને આગળની કાર્યવાહી કરેલ છે.
મોરબી વાંકાનેર હાઇવે રોડ ઉપર આવેલ મકાનસર ગામે રહેતા અજયભાઈ મેરૂભાઈ સનુરા (44) નામના યુવાને પોતે પોતાના ઘરની અંદર હતો ત્યારે કોઈપણ કારણોસર પોતાની જાતે ગળાફાંસો ખાઈ લીધો હતો જેથી તેનું મોત નીપજયું હતું ત્યારબાદ ધર્મેશભાઈ સનુરા તેના મૃતદેહને મોરબીની સરકારી હોસ્પિટલ ખાતે લઈને આવ્યો હતો અને આપઘાતના આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને યુવાને ક્યાં કારણોસર આપઘાત કર્યો છે તે દિશામાં પોલીસે તપાસ હાથ ધરી છે જયારે મૂળ દાહોદ જિલ્લાના રહેવાસી અને હાલમાં મોરબી તાલુકાના બરવાળા ગામે પ્લોટ વિસ્તારમાં રહેતા સુરેશભાઈ બલુભાઈ નાયક (40) નામનો યુવાન માળીયા મીયાણા તાલુકાના મોટા દહીસરા ગામ નજીક જેટકો સબ સ્ટેશન પાસે કામ કરતો હતો ત્યારે ત્યાં તેને અચાનક છાતીમાં દુખાવો ઉપડ્યો હતો જેથી તેને તાત્કાલિક મોરબીની સરકારી હોસ્પિટલે લઈને આવ્યા હતા અને ત્યાં ફરજ પરના ડોક્ટરે યુવાનને જોઈ તપાસીને મૃત જાહેર કર્યો હતો અને હાર્ટ એટેક આવવાના કારણે યુવાનનું મોત થયું હોવાનું પ્રાથમિક તપાસમાં સામે આવ્યું હોય પોલીસે તે અંગેની નોંધ કરી રાબેતા મુજબની કાર્યવાહી હાથ ધરી છે.
