મોરબીની કોર્ટે ચેક રીટર્ન કેસમાં આરોપીને ફટકારી એક વર્ષની સજા અને ૨૯ લાખના દંડ

મોરબીની કોર્ટમાં ચેક રીટર્નનો કેસ ચાલી ગયો હતો જેમાં કોર્ટે આરોપીને એક વર્ષની કેદની સજા તેમજ ૨૯,૦૦,૦૦૦ નો દંડ ફટકાર્યો છે.

આ કેસની વિગત એવી હતી કે, ફરીયાદી સિસકોન ટાઇલ્સ એલ.એલ.પી.ના ડેજીગ્નેટેડ પાર્ટનર પ્રકાશભાઇ આનંદભાઈ કાલરીયા (રાતાવીરડા) વાળા પાસેથી આરોપી ઈંટાગલીઓ સિરામિકાના પાર્ટનર જિગર રવજીભાઈ ભગત (રહે.૧૦૨, દ્વારકા હાઇટ, મોમસ રેસ્ટોરન્ટ પાછળ, ભક્તિનગર સર્કલ, મોરબી) વાળાએ સિરામિક ટાઇલ્સની ખરીદી કરેલ હતી. તેની બાકી રહેતી લેણી રકમ રૂ. ૧૯,૪૩,૮૬૧/- વસૂલ આપવા આરોપીએ ચેક આપેલો હતો. તે ચેક પરત ફરતા ફરીયાદીએ આરોપી સામે નેગોશીએબલ ઇન્સટ્રુમેન્ટ એક્ટ ની કલમ ૧૩૮ હેઠળનો ફોજદારી કેસ મોરબીના પાંચમા એડિશનલ ચીફ જ્યુડી. મેજીસ્ટ્રેટ સાહેબની કોર્ટમાં વર્ષ ૨૦૨૫ ની સાલમાં દાખલ કર્યો હતો જે કેસ કોર્ટમાં ચાલી ગયો હતો તેમાં ફરીયાદીની સર તપાસ, ઊલટ તપાસ, પુરાવા અને બંને પક્ષકરોના વકીલોની દલીલોને ધ્યાનમાં રાખી મોરબીના પાંચમા એડિશનલ ચીફ જયુડી. મેજીસ્ટ્રેટ સાહેબએ આરોપી ઇંટાગલીઓ સિરામિકાના પાર્ટનર જિગર રાવજીભાઈ ભગતને ૧ વર્ષની સાદી કેદની સજા તેમજ રકમ ૨૯,૦૦,૦૦૦ નો દંડ આરોપીની પેઢી અને આરોપી પાસેથી વસૂલ કરી ફરીયાદીને વળતર તરીકે ચુકવી આપવા તથા રકમ ભરવામાં કસુર થયેથી આરોપીને વધુ ૩ મહિનાની સાદી કેદની સજાનો હુકમ કર્યો છે આ કેસમાં ફરિયાદી તરફે વકીલ કેતનકુમાર કે. નાયક અને નલીનકુમાર ટી. અઘારા રોકાયેલ હતા.