મોરબીના જુદાજુદા રોડના કામ માટે અજયભાઇ લોરિયા ધારાસભ્ય સાથે સીએમને મળ્યા

મોરબી જિલ્લા પંચાયતના બાંધકામ સમિતિના અધ્યક્ષ અજયભાઇ લોરિયા જુદા જુદા રસ્તાના કામો અન્વયે મોરબીના ધારાસભ્ય બ્રિજેશભાઈ મેરજાને સાથે રાખી નાયબ મુખ્યમંત્રી નીતિનભાઈ પટેલને મળ્યા હતા ત્યારે ગાળા - સાપર રોડ પરનું નાળુ રૂપિયા ૩ કરોડના ખર્ચે પહોળું કરવા, વાઘપર બ્રીજના કામમાં વધુ નાલા મુકવા રજુઆત કરી હતી આ તકે મોરબી સિરામિક અસોશિયેશનના પ્રમુખ મુકેશભાઈ કુંડારીયા તેમજ ગાળાના યુવા ઉઘોઁગપતિ સતિષભાઈ બોપલીયા સાથે ઉપસ્થિત હતા, આ કામ તુરતમાં  હાથ ધરાશે, તેમજ નર્મદાની કેનોલોમાંથી મોરબી માળીયાના ગામોના ખેડૂતોના પાક વરસાદ ખેંચાતા બચાવી લેવા પાણી સમયસર પૂરતું ઉપલબ્ધ કરવા કરેલ રજુઆતનો પણ હકારાત્મક પ્રતિસાદ સાંપડ્યો હતો અને અજયભાઇ લોરિયાની શહીદોના પરિવારને આર્થિક સહાય અને કોરોનામાં કરેલ સેવાથી બ્રિજેશભાઈએ નાયબ મુખ્યમંત્રી અને મુખ્યમંત્રીને વાકેફ કર્યા હતા ત્યારે તેઓએ અજયભાઇને ધન્યવાદ આપ્યા હતા