મોરબીના સનાળા ગામેથી દારૂની મોંઘીદાટ ચાર બોટલ સાથે એક પકડાયો: એકની શોધખોળ
SHARE
JOIN OUR GROUP
મોરબીના સનાળા ગામેથી દારૂની મોંઘીદાટ ચાર બોટલ સાથે એક પકડાયો: એકની શોધખોળ
મોરબીના સનાળા ગામ પાસે આવેલ મેલડી માતાજીના મંદિર નજીકથી બાઈક લઈને પસાર થતા શખ્સને રોકીને પોલીસે ચેક કરતા તેની પાસેથી દારૂની મોંઘી દાટ ચાર બોટલો મળી આવી હતી જેથી કરીને પોલીસે દારૂ તેમજ બાઈક મળીને ૨૮૩૭૫ ની કિંમતનો મુદ્દામાલ કબજે કર્યો છે અને હાલમાં એક આરોપીની ધરપકડ કરવામાં આવી છે અને અન્ય એકનું નામ સામે આવ્યું હોય તેને પકડવા માટે તજવીજ શરૂ કરેલ છે
જાણવા મળતી માહિતી પ્રમાણે મોરબી નજીકના સનાળા ગામ પાસે આવેલ મેલડી માતાજીના મંદિર પાસેથી બાઈક નં જીજે ૩૬ જે ૯૧૧૩ લઈને એક શખ્સ પસાર થઈ રહ્યો હતો ત્યારે તેને રોકીને પોલીસે ચેક કરતા તે શખ્સ પાસેથી એબસોલેટ વોડકાની બે બોટલો જેની કિંમત ૬૦૦૦ રૂપિયા તથા રેડ લેબલ બ્લેન્ડેડ સ્કોચ વિસ્કીની એક બોટલ જેની કિંમત ૨૦૦૦ અને અન્ય એક દારૂની બોટલ આમ કુલ મળીને દારૂની ચાર બોટલ જેની કિંમત ૮૩૭૫ થાય છે જેથી પોલીસે દારૂ અને બાઈક મળીને ૨૮૩૭૫ રૂપિયાની કિંમતમાં મુદ્દામાલને કબજે કર્યો છે અને હાલમાં મહિપતભાઈ ઉર્ફે ભૂરો રવજીભાઈ વાઘેલા (૨૭) રહે. સનાળા નવા પ્લોટ સાંઈબાબા ચોક પાસે મોરબી વાળાની ધરપકડ કરેલ છે અને તેની પાસેથી હરેન્દ્રસિંહ ઉર્ફે ભૂરો કનુભા જાડેજા રહે નવલખી રોડ શ્રદ્ધા પાર્ક મૂળ રહે દહીસરા વાળાનું નામ સામે આવેલ છે જેથી કરીને તેની સામે ગુનો નોંધીને તેને પકડવા માટે તજવીજ શરૂ કરેલ છે
ચાર બોટલ દારૂ
મોરબીના વાવડી રોડ ઉપર આવેલ રામપાર્ક ના નાકા પાસેથી પસાર થતા શખ્સને રોકીને પોલીસે ચેક કરતા તેની પાસેથી દારૂની ચાર બોટલ મળી આવી હતી જેથી કરીને પોલીસે 1500 રૂપિયાની કિંમતનો દારૂનો જથ્થો કબજે કર્યો હતો અને જુબેર મહેબુબભાઇ માયક જાતે ઘાંચી ઉંમર વર્ષ 20 રહે વાવડી રોડ રામ પાર્ક મોરબી વાળા ની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં તપાસ શરૂ કરેલ છે
