વાંકાનેરના તીથવા પાસે રિવર્સ આવતા ટ્રેક્ટરે બાઇકને હડફેટે લેતા યુવાનનું મોત
SHARE
JOIN OUR GROUP
વાંકાનેરના તીથવા પાસે રિવર્સ આવતા ટ્રેક્ટરે બાઇકને હડફેટે લેતા યુવાનનું મોત
વાંકાનેરના તીથવા ગામથી પીપળીયા તરફ જવાના રસ્તા ઉપર ટ્રેક્ટર ચાલકએ પોતાનું વાહન બેફિકરાઈથી રિવર્સમાં લીધું હતું ત્યારે બાઈકને હડફેટે લેતા બાઈક ચાલકને પેડુ અને પડખાના ભાગે ગંભીર ઈજા થઈ હોવાથી તેનું મોત નીપજ્યું હતું અને અકસ્માત સર્જીને વાહન ચાલક ત્યાંથી નાસી ગયો હતો હાલમાં મૃતકના ભાઈએ વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી પ્રમાણે વાંકાનેર તાલુકાના પીપળીયા રાજ ગામે રહેતા હુસેનભાઇ વલીમહમદભાઈ કડીવાર જાતે મોમીન (૪૯) એ હાલમાં ટ્રેક્ટર નંબર જીજે ૩૬ એએફ ૨૮૨૪ ના ચાલક મુસ્તુફાભાઈ હાજીભાઈ વકાલીયા રહે. તીથવા વાળાની સામે અકસ્માતની ફરિયાદ નોંધાવેલ છે જેમાં તેને જણાવ્યું છે કે તીથવા ગામના પાટીયા પાસેથી પીપળીયા ગામ તરફ જવાના રસ્તા ઉપરથી તેના ભાઈ બાઈક નં. જીજે ૩ એએચ ૬૩૩૪ લઈને પસાર થતા હતા ત્યારે ટ્રેક્ટર ચાલકે બેફિકરાઈથી પાછળ જોયા વગર પોતાનું વાહન રિવર્સમાં લીધું હતું ત્યારે ફરિયાદીના ભાઈ અયુબભાઈ વલીમહમદભાઈ કડીવાર (૪૭) ના બાઇકને હડફેટે લીધું હતું જેથી કરીને અયુબભાઈ કડીવારને પેડુ અને પડખાના ભાગે ગંભીર ઇજા થયેલ હતી જેથી તેને સારવારમાં ખસેડવામાં આવ્યા હતા અને સારવાર દરમિયાન તેનું મોત નિપજ્યું છે આ અકસ્માતનો બનાવ સર્જીને વાહન ચાલક ત્યાંથી નાસી ગયો હોય હાલમાં મૃતક યુવાનના ભાઈએ વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
