વાંકાનેર બાઉન્ડ્રી પાસે બાઈકને આઈસર ચાલકે હડફેટે રહેતા દંપતીને ઈજા, બાળકીનું મોત
SHARE
JOIN OUR GROUP
વાંકાનેર બાઉન્ડ્રી પાસે બાઈકને આઈસર ચાલકે હડફેટે રહેતા દંપતીને ઈજા, બાળકીનું મોત
વાંકાનેર તાલુકાના સમઢીયાળા ગામે રહેતો યુવાન પોતાની પત્ની અને બાળકીને બાઈક ઉપર બેસાડીને વાંકાનેર બાઉન્ડ્રી પાસેથી પસાર થતો હતો ત્યારે તેના બાઇકને આઇસર ચાલકે અડફેટે લીધું હતું જેથી કરીને અકસ્માતના બનાવમાં દંપતીને ઈજા થઈ હતી અને બાળકીને પેટના ભાગે ગંભીર ઈજા થયેલ હતી જેથી તેનું મોત નીપજયું હતું અને હાલમાં અકસ્માત સર્જનાર આઇસરના ચાલક સામે મૃતક બાળકીના પિતાએ ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ વાંકાનેર તાલુકાના સમઢીયાળા ગામે રહેતા ઈરફાનભાઇ ઉસ્માનભાઈ બાદી જાતે મોમીન (૩૫) પોતાની પત્ની મહેમુનાબેન તથા દીકરી મેઅરાજ (૫) ને પોતાના બાઈક નંબર જીજે ૩૬ એ ૯૩૬૦ ઉપર બેસાડીને વાંકાનેર બાઉન્ડ્રી પાસે આવેલ લાલપરની સીમમાં શાલીમાર હોટલ પાસેથી પસાર થતા હતા ત્યારે આઇસર નંબર જીજે ૩ બીવી ૫૨૨૯ ના ચાલકે તેના બાઇકને પાછળથી ઠોકર મારી હતી જેથી કરીને અકસ્માતનો બનાવ બન્યો હતો અને આ અકસ્માતના બનાવવામાં બાઇક ચાલક ઈરફાનભાઈને માથામાં તેમજ જમણા હાથે ઇજાઓ થઈ હતી તેમજ તેના પત્નીને માથા, નાક અને પાંસળીના ભાગે ઈજાઓ થઈ હતી જોકે તેમની સાથે બાઈક ઉપર બેઠેલ તેની દીકરી મેઅરાજ (૫) ને પેટના ભાગે ગંભીર ઇજા થયેલ હોવાથી તેનું મોત નીપજ્યું હતું અને અકસ્માત સર્જીને વાહન ચાલક પોતાનું વાહન ઘટના સ્થળે ક મૂકીને નાસી ગયો હતો જેથી કરીને ઈરફાનભાઇ બાદીએ સારવાર લીધા બાદ હાલમાં આઇસર ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
વરલી જુગાર
વાંકાનેરના વીસીપરામાં પૂજા પાન સામે જાહેરમાં વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે વરલી જુગારના આંકડા લખેલ ચિઠ્ઠી તેમજ મોબાઇલ ફોન મળીને પોલીસે સ્થળ ઉપરથી ૩૯૫૦ ની કિંમતનો મુદ્દામાલ કબજે કર્યો હતો અને ત્યાંથી હુસેન યાકુબ ભટ્ટી જાતે મિયાણા (૨૫) રહે. મારુતિ શોરૂમની પાછળના ભાગમાં મફતીયા પરા વાંકાનેર વાળાની ધરપકડ કરેલ છે અને તેની પાસેથી મોઈન જેડા અને રહીમ રાયધન મિયાણા રહે બંને વાંકાનેર વાળાના નામ સામે આવ્યા હોવાથી તેને પકડવા માટે તજવીજ શરૂ કરેલ છે
