મોરબીમાં કોંગ્રસના ઉમેદવાર જયંતીભાઈના કારખાને હુમલો: સિક્યુરિટી ગાર્ડની ઓફિસમાં તોડફોડ

મોરબીમાં ભડિયાદ રોડ ઉપર આવેલ કોંગ્રસના ઉમેદવાર જયંતીભાઈ પટેલના કારખાનાની ઓફિસે અજાણ્યા શખ્સો દ્વારા ધોકા અને પાઈપ વડે હુમલો કરવામાં આવ્યો હતો અને સિક્યુરિટી ગાર્ડની ઓફિસમાં તોડફોડ કરવામાં આવી છે જેથી કરીને આ બનાવની બી ડિવિઝન પોલીસને જાણ કરવામાં આવતા પોલીસ ઘટના સ્થળે પહોચી હતી અને હાલમાં ફરિયાદ લેવા માટેની તજવીજ શરૂ કરવામાં આવી છે

હાલમાં ચૂંટણી પ્રચાર શાંત થઈ ગયેલ છે ત્યારે મોરબીમાં ચૂંટણી પહેલા માહોલને ડહોળવા માટેનો પ્રયાસ કરવામાં આવ્યો હોય તેવો ઘાટ સર્જાયો છે અને મોરબી માળિયા વિધાનસભા વિસ્તારના કોંગ્રેસ પક્ષના ઉમેદવાર જયંતીભાઈ જે. પટેલનું મોરબીના ભડીયાદ રોડ ઉપર વિન્ટેજ સિરામિક કારખાના ઉપર મંગળવારે સાંજના સાડા ચાર વાગ્યે હુમલો કરવામાં આવ્યો હતો અને ત્યારે બાઇક અને રિક્ષામાં આવેલા શખ્સો દ્વારા સિક્યુરિટી ગાર્ડની ઓફિસે પથ્થરમારો કરીને ધોકા વડે હુમલો કરીને કાચ ફોડી નાખવામાં આવેલ છે જો કે, હુમલાખોર શખ્સો રીક્ષા અને બાઈકમાં આવીને આંતક મચાવીને નાશી ગયેલ છે આ બનાવની બી ડિવિઝન પોલીસને જાણ કરવામાં આવી હતી જેથી કરીને પીઆઇ પી.કે. દેકાવડીયા સહિતનો સ્ટાફ ત્યાં દોડી આવ્યા હતા અને કહ્યું હતું કે, સિક્યુરિટીનો ઝઘડો હોય તેવું હાલમાં સામે આવે છે જો કે, આગળની કાર્યવાહી ચાલી રહી છે