મોરબીમાં અનસ્ટોપેબલ વોરિયર્સ એનજીઓનું એક વર્ષ પૂરું થતાં વિશેષ ઉજવણી કરવામાં આવી
Morbi Today
મોરબીના ઘૂંટુ ગામે જનકપુરીમાં જુગાર રમતા ત્રણ પકડાયા
SHARE
JOIN OUR GROUP
મોરબીના ઘૂંટુ ગામે જનકપુરીમાં જુગાર રમતા ત્રણ પકડાયા
મોરબી તાલુકાના ઘૂટું ગામ પાસે આવેલ જનકપુરી પ્લોટ વિસ્તારમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે ત્રણ શખ્સો જુગાર રમતા મળી આવ્યા હતા જેથી પોલીસે ૧૫,૨૦૦ ની કિંમતનો મુદામાલ કબજે કરીને જુગારધારા હેઠળ ગુનો નોંધીને આગળની કાર્યવાહી હાથ ધરી હતી.
બનાવની જાણવા મળતી માહિતી પ્રમાણે મોરબી તાલુકાના ઘૂટું ગામ પાસે આવેલ જનકપુરી પ્લોટ વિસ્તારમાં રહેતા ભુપતભાઈ કોળીના મકાન પાસે જાહેરમાં જુગાર રમતા હોવાની બાતમી સ્થાનિક પોલીસને મળી હતી જેના આધારે પોલીસ દ્વારા ત્યાં જુગારની રેડ કરવામાં આવતા સ્થળ ઉપરથી રમેશભાઈ મોમૈયાભાઈ સાલાણી જાતે કોળી (૫૩) રહે. જનકપુરી સોસાયટી, ચંદુભાઈ બીજલભાઇ પેથાણી જાતે રાવળદેવ (૪૦) રહે. ભરવાડવાસ ઘુટુ અને ગોવિંદભાઈ પ્રભુભાઈ સાથલીયા જાતે કોળી (૩૪) રહે. જુના ઘૂટું વાળા જુગાર રમતા મળી આવ્યા હતા જેથી પોલીસે ૧૫,૨૦૦ ની રોકડ કબજે કરી હતી અને તેની સામે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરી હતી.
મારામારીના ગુનામાં ધરપકડ
મોરબીના સામાકાંઠે વેજીટેબલ રોડ ઉપર ભીમસર પાસે સામસામે મારામારીનો બનાવ બન્યો હતો.જેમાં "અમારા વિશે કેમ ખરાબ વાત કરો છો..?" તેમ કહીને દસેક લોકોએ એક પરિવાર ઉપર હુમલો કર્યો હતો અને સામેના પક્ષેથી પણ હુમલો કરવામાં આવ્યો હતો.જેથી સીટી બી ડિવિઝન પોલીસ મથક ખાતે બંને પક્ષોથી સામસામે ફરિયાદો નોંધાવા પામી હતી જેમાં અગાઉ ૧૧ જેટલા લોકોની ધરપકડ કરવામાં આવી હતી અને ગઈકાલે તપાસ અધિકારી પીએસઆઇ જે.એલ.ઝાલા તથા રાઇટર સંજયભાઈ લકુમ દ્વારા ઉપરોક્ત રાયોટીંગના ગુનામાં કરણ મહેન્દ્ર ચૌહાણ (ઉમર ૨૦) રહે.ગ્રીનચોક પાસે લુહાર શેરી મોરબી વાળાની ધરપકડ કરી તેને જેલ હવાલે કરાયો હોવાનું પોલીસ સુત્રોએ જણાવેલ છે.
બાઇક સ્લીપ થતા ઇજા
રાજકોટ જિલ્લાના જેતપુર તાલુકામાં આવેલ ચાંપરાજપુર ગામે કણબીપરામાં રહેતો ભીખુભાઈ મગનભાઈ રાખોલીયા નામનો ૪૩ વર્ષનો યુવાન બાઈક લઈને જતો હતો ત્યારે રસ્તામાં તેનું બાઇક સ્લીપ થતા ઇજાઓ પામતા તેને મોરબીના સામાકાંઠે આવેલ શિવમ હોસ્પિટલે સારવાર માટે લઇ જવાયો હતો.
