મોરબી ચેક રીટર્ન કેસમાં ત્રણ લાખના વાર્ષિક નવ ટકા વ્યાજ સાથે છ મહિનાની સજા
SHARE
JOIN OUR GROUP
મોરબી ચેક રીટર્ન કેસમાં ત્રણ લાખના વાર્ષિક નવ ટકા વ્યાજ સાથે છ મહિનાની સજા
મોરબી શહેરમાં હાથ ઉછીના પૈસા લઈ પરત ન કરનાર શખ્સને એડી ચીફ જ્યુડી. કોર્ટે સજા ફટકારી છે જેમાં આરોપીને કસુરવાન ઠેરવીને ત્રણ લાખ વાર્ષિક નવ ટકા વ્યાજ સાથે છ મહિનાની સાદી કેદની સજા ફટકારી છે.
મોરબીમાં કન્યા છાત્રાલય રોડ પર આવેલ પંચવટી સોસાયટીના રહેવાસી દિગપાલ મનસુખલાલ ફુલતરિયાએ વર્ષ ૨૦૨૨ માં મોરબીના રાજપર ગામના રહેવાસી કરણ હેમુભાઈ જીલરીયા પાસેથી અંગત ઉપયોગ માટે રૂા.ત્રણ લાખ સંબંધના દાવે લીધેલ હતા આ રકમ પરત આપવા માટે દીગપાલભાઈએ રૂા.ત્રણ લાખનો ચેક આપેલ હતો જે વણ ચૂકવ્યે પરત થતાં કરણભાઈએ ધિ નેગોશીયેબલ ઇન્સ્ટ્રુમેન્ટ એક્ટ ની કલમ ૧૩૮ અન્વયે મોરબીના મહે એડી. ચીફ જયુડિ. મેજી. સાહેબની કોર્ટમાં વકીલ કાનજી ગરચર મારફતે ઓક્ટોબર ૨૦૨૨ માં દાખલ કરેલ જે કેસ ચાલી જતાં મોરબી એડી. ચીફ જયુડિ. મેજી. વી.કે. સોલંકીએ આરોપીને છ મહિનાની સાદી કેદની સજા અને ચેકની રકમ ત્રણ લાખનો દંડ અને દંડ ચૂકવવામાં કસુર થયેથી બે મહિનાની કેદ અને દંડની રકમમાંથી ફરિયાદીને ચેકની રકમ તેમજ તેના પર નવ ટકા લેખે વાર્ષિક વ્યાજ ચૂકવવાનો ચુકાદો આપેલ છે જે કેસ માં ફરિયાદી તરફે મોરબીના એડવોકેટ કાનજી એમ.ગરચર રોકાયેલ હતા.
