મોરબીમાં રસાયણિક ખાતરનો ખેતીના બદલે ઓદ્યોગીક હેતુમાં ઉપયોગ કરતાં કારખાનેદાર-વહીવટકર્તા સામે ફરિયાદ
Morbi Today
મોરબીમાં સગીરા સાથે ફ્રેંડશિપ કરી લગ્નની લાલચ આપીને આચર્યું અવાર નવાર દુષ્કર્મ, હવે ફોન ન કરવાની ધમકી
SHARE
JOIN OUR GROUP
મોરબીમાં સગીરા સાથે ફ્રેંડશિપ કરી લગ્નની લાલચ આપીને આચર્યું અવાર નવાર દુષ્કર્મ, હવે ફોન ન કરવાની ધમકી
મોરબીમાં રહેતી યુવતી આજથી પાંચ વર્ષ પહેલા સગીરા હતી ત્યારે તેની સાથે ફ્રેન્ડશીપ કરીને અવારનવાર તેની સાથે શરીર સંબંધ બાંધવામાં આવ્યો છે ત્યાર બાદ તેના ૧૮ વર્ષ પૂરા થઈ ગયા પછી તે શખ્સ યુવતીની સાથે તેના પતિની જેમ એક મકાનમાં રહેતો હતો અને વારંવાર શરીર સંબંધ બાંધતો હતો જેથી યુવતીએ ત્રણ મહિના પહેલા લગ્ન કરવા માટે થઈને તેને કહ્યું હતું ત્યારે તે શખ્સ તેની સાથે ઝઘડો કરીને ત્યાંથી ચાલ્યો ગયો હતો અને ત્યારબાદ તેના ભાઈને તે બાબતે પૂછતા તેણે ફરિયાદી યુવતીને ગાળો આપીને ફોન નહીં કરવા ધમકી આપી હતી જેથી કરીને ભોગ બનેલી યુવતી દ્વારા મોરબી તાલુકા પોલીસ સ્ટેશન ખાતે બે શખ્સોની સામે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબીમાં રહેતી અને પાર્લરનો ધંધો કરતી યુવતીએ હાલમાં રફાળેશ્વર ગામે રહેતા પ્રતિપાલસિંહ મહેન્દ્રસિંહ ઝાલા અને જયદીપસિંહ મહેન્દ્રસિંહ ઝાલાની સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેણે જણાવ્યું છે કે, પાંચેક વર્ષ પહેલા પ્રતિપાલસિંહ મહેન્દ્રસિંહ ઝાલાએ તેની સાથે ફ્રેન્ડશીપ કરી હતી અને જે તે સમયે તે સગીરા હોવા છતાં તેને લગ્નની લાલચ આપીને તેની સાથે અવારનવાર શરીર સંબંધ બાંધ્યો હતો અને ત્યાર બાદ ૧૮ વર્ષ પૂરા થયા પછી તેની સાથે તેના પતિની જેમ એક જ મકાનમાં રહીને અવારનવાર શરીર સંબંધ બાંધ્યો છે અને ત્રણેક મહિના પહેલા પ્રતિપાલસિંહ મહેન્દ્રસિંહ ઝાલાને ભોગ બનેલ યુવતીએ લગ્ન કરવા માટેનું કહ્યું હતું ત્યારે તેની સાથે ઝઘડો કરીને પ્રતિપાલસિંહ મહેન્દ્રસિંહ ઝાલા જતો રહ્યો હતો જેથી યુવતીએ પ્રતિપાલસિંહ વિશે તેના ભાઈ જયદીપસિંહ મહેન્દ્રસિંહ ઝાલાને ફોન કરીને પૂછતા તેણે યુવતીને ગાળો આપી હતી અને ફોન નહીં કરવા માટે થઈને ધમકી આપેલ છે જેથી ભોગ બનેલ યુવતી દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે આઈપીસી કલમ કલમ-૩૭૬(૨) (એન), ૫૦૪, ૫૦૬ તથા પોકસો એકટ ૨૦૧૨ ની કલમ- ૫(એલ), ૬ મુજબ ગુનો નોંધી આરોપીને પકડવા માટે તજવીજ શરૂ કરેલ છે
