હળવદમાં દીવાલ સાથે ટેન્કર અથડાવીને મહિલાનું મોત નિપજાવનાર વાહન ચાલક સામે ગુનો નોંધાયો
SHARE
JOIN OUR GROUP
હળવદમાં દીવાલ સાથે ટેન્કર અથડાવીને મહિલાનું મોત નિપજાવનાર વાહન ચાલક સામે ગુનો નોંધાયો
હળવદમાં સરા ચોકડી પાસે આવેલ શોરૂમની બાજુમાં ગોડાઉનની દિવાલ સાથે પાણીનું ટેન્કર અથડાયું હતું જેથી કરીને દિવાલ તૂટી પડી હતી અને ત્યારે અંદરના ભાગમાં સૂતેલ મહિલા ઉપર દિવાલનો કાટમાળ પડતા તેનું મોત નીપજયું હતું જેથી હાલમાં હળવદ તાલુકા પોલીસ સ્ટેશન ખાતે ટેન્કર ચાલક સામે ફરિયાદ નોંધાતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે મૂળ મધ્યપ્રદેશના રહેવાસી અને હાલમાં હળવદના સરા ચોકડી પાસે આવેલ શોરૂમની બાજુમાં સિમેન્ટના ગોડાઉનમાં રહીને ત્યાં મજૂરી કામ કરતા ભાવસનભાઈ હિમરાજભાઈ કટારા (૩૫) એ ટેન્કર નં જીજે ૧૨ એવાય ૩૩૮૬ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, તે રાત્રિ દરમિયાન પોતાની પત્ની, બાળકો, તેના ભાઈ ભાઈ અને તેની પત્ની તેમજ તેમના સંબંધી નેતાબેન અને તેના દીકરા નરેશ સહિતના લોકો ગોડાઉનની અંદરના ભાગમાં સુતા હતા ત્યારે ટેન્કરના ચાલકે બેફિકરાયથી તેનું વાહન રિવર્સમાં લીધું હતું અને ધડાકાભેર તેનું ટેન્કર ગોડાઉનની દિવાલ સાથે અથડાયું હતું જેથી કરીને ગોડાઉનની દિવાલ તૂટી પડતા દિવાલના કાટમાળ નીચે દબાઈ જવાથી નેતાબેન જોગાભાઈ ભુરીયાનું ઘટના સ્થળે જ મોત નીપજ્યું હતું જેથી અકસ્માત મૃત્યુના આ બનાવમાં હાલમાં ભાવસનભાઈ કટારાએ નોંધાવેલ ફરિયાદ આધારે પોલીસે ટેન્કર ચાલક સામે ગુનો નોંધીને તેને પકડવા માટે તજવીજ શરૂ કરી છે
