મોરબીના માણેકવાડા ગામે વીજ પોલ ઉપર ચડતા શોક લગતા સારવારમાં ખસેડાયેલ યુવાનનું મોત
Morbi Today
વાંકાનેરમાં ત્રણ યુવાનોના મોત નિપજાવનાર કાળમુખા ટ્રકના ચાલક સામે ગુનો નોંધાયો
SHARE
JOIN OUR GROUP
વાંકાનેરમાં ત્રણ યુવાનોના મોત નિપજાવનાર કાળમુખા ટ્રકના ચાલક સામે ગુનો નોંધાયો
વાંકાનેર મોરબી નેશનલ હાઇવે રોડ ઉપર હશનપરના બ્રીજ પાસેથી ત્રાપિલ સવારી બાઇક પસાર થઈ રહયું હતું ત્યારે તેને ટ્રકના ચાલકે હડફેટે લેતા અકસ્માતનો બનાવ બનેલ હતો જેમાં બાઇક ચાલક સહિત ત્રણેય યુવાનોના મોત નિપજ્યાં હતા જેથી કરીને હાલમાં મૃતક યુવાનના ભાઈએ વાંકાનેર સિટી પોલીસ સ્ટેશને ફરિયાદ નોંધાવતાં પોલીસે ટ્રક ચાલકની સામે ગુનો નોંધીને ટ્રક ચાલકને પકડવા માટે તજવીજ શરૂ કરેલ છે
જાણવા મળતી વિગત મુજબ મૂળ એમપીના લેડગાઉના રહેવાસી અને હાલમાં મોરબી તાલુકાનાં બંધુનગર ગામ પાસે આવેલ વેરોના સિરામિક ખાતે રહેતા રાકેશભાઇ ભવરસિંગ મેળા જાતે અનુ.જનજાતી (૨૮) એ ટ્રક નં. જીજે ૧૨ એક્સ ૩૯૪૫ ના ચાલકની સામે ફરિયાદ નોંધાવી છે જેમાં જણાવ્યુ છે કે, વાંકાનેર મોરબી નેશનલ હાઇવે રોડ ઉપર હશનપરના બ્રીજ પાસે તા.૩ ના રોજ રાતે આઠ વાગ્યે તેનો નાનો ભાઈ અંકિતભાઇ ભવરસિંગ મેળા જાતે અનુ.જનજાતી (૨૮) રહે. હાલ વેરોના સીરામીક બંધુનગર મૂળ લેડગાઉ (એમપી), તેના સાળા અનીલભાઇ રમેશભાઇ રાવત રહે. હાલ વેરોના સીરામીક મુળ ગામ ચચરીયા (એમપી) તથા સુભાષભાઇ તેરસિંગભાઇ ડાવર રહે. હાલ હાલ વેરોના સીરામીક મૂળ ડાવર ફળીયા અજના (એમપી) વાળા બાઇક લઈને જઈ રહ્યા હતા ત્યારે અંકિતભાઇ બાઇક નંબર જીજે ૩૬ ઇ ૦૮૭૨ વાળુ ચલાવતો હતો અને તેના સાળાઓ પાછળ બેઠા હતા ત્યારે આરોપીએ પોતાના હવાલાવાળી ટ્રક બેદરકારીથી ચલાવીને ફરીયાદીના નાના ભાઈ સહિતના ત્રણેય જે બાઇક ઉપર જતાં હતા તે બાઇકને હડફેટે લીધું હતું જેથી બાઇક સહિત ત્રણેય યુવાન ફંગોળાઇ જતા અકસ્માત સર્જાયો હતો જેમાં જેમાં ફરિયાદીનો ભાઈ તેમજ બંને સાળાના મોત નિપજ્યાં હતા જેથી કરીને હાલમાં યુવાને નોંધાવેલ ફરિયાદ આધારે પોલીસે આઇપીસી કલમ-૨૭૯, ૩૦૪(અ), એમ.વી.એક્ટ ૧૭૭, ૧૮૪, ૧૩૪ મુજબ ગુનો નોંધીને આરોપીને પકડવા માટે તજવીજ શરૂ કરેલ છે.
