મોરબીના મહેન્દ્રપરામાં ઘરમાં જુગાર રમતા નવ જુગારી પકડાયા

મોરબીના મહેન્દ્રપરા શેરી નં-૫ માં રહેણાંક મકાનમાં જુગાર રમતા હોવાની એ ડિવિઝન પોલીસને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે ઘરમાંથી ઘરધણી ઉપરાંત આઠ એમ કુલ મળીને નવ શખ્સો જુગાર રમતા મળી આવ્યા હતા જેથી કરીને પોલીસે ૩૧૨૦૦ ની રોકડ કબજે કરી તેની સામે જુગારધારા હેઠળ એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

જાણવા મળતી માહિતી પ્રમાણે મોરબીના મહેન્દ્રપરા શેરી નં-૫ માં રહેતા જયસુખભાઈ લવજીભાઈ પરમારના ઘરની અંદર જુગાર રમતા હોવાની બાતમી એ ડિવિઝન પોલીસની ટીમને મળી હતી જેથી પોલીસે ત્યાં જુગારની રેડ કરતા ઘરધણી જયસુખભાઈ લવજીભાઈ પરમાર (૫૨), આનંદભાઈ જયસુખભાઈ પરમાર (૩૦), જયંતીભાઈ મૂળજીભાઈ ભડસોલ (૬૮), નિલેશભાઈ ચંદુભાઈ જોશી (૪૨), દેવીસિંહ સંગ્રામસિંહ જાડેજા (૪૪), મેહુલભાઈ નારણભાઈ પરમાર (૩૧), ઇમરાનભાઈ મહમદભાઈ કચ્છી (૪૨), રાજેશભાઈ સુભાષભાઈ ચોબે (૩૪), અને ગોપાલભાઈ જેઠાભાઇ ભોજાણી (૪૦) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી ૩૧૨૦૦ ની રોકડ કબજે કરીને તેની સામે એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરી છે