મોરબીમાં રામકુવા પાસે ઘરમાંથી દારૂ ૧૬ બોટલ સાથે બુટલેગર પકડાયો

મોરબી શહેરના સામા કાંઠા વિસ્તારમાં રામકુવા પાસેની શેરીમાં રહેતા શખ્સનાં ઘરની અંદર દારૂનો જથ્થો હોવાની બાતમી મળી હતી જેના આધારે પોલીસે ત્યાં દારૂની રેડ કરતા ઘરમાંથી ૧૬ બોટલ દારૂ મળી આવ્યો હતો જેથી પોલીસે ૬૦૦૦ રૂપિયાની કિંમતનો દારૂ તથા આરોપીની ધરપકડ કરી આગળની રાબેતા મુજબની કાર્યવાહી હાથ ધરી હતી

જાણવા મળતી માહિતી મુજબ મોરબીની ત્રાજપર ચોકડી પાસે આવેલ રામકુવા વાળી શેરીમાં રહેતા નિલેશભાઈ ભરતભાઈ ડાભીના ઘરમાં દારૂનો જથ્થો હોવાની બાતમી મળી હતી જેના આધારે બી ડિવિઝન પોલીસની ટીમ દ્વારા ત્યાં દારૂની રેડ કરવામાં આવતા ઘરમાંથી દારૂની ૧૬ બોટલ દારૂ મળી આવતા પોલીસે ૬૦૦૦ રૂપિયાની કિંમતનો દારૂ કબજે કર્યો હતો અને આરોપી નિલેશભાઈ ભરતભાઈ ડાભી જાતે કોળી (૧૮) રહે. રામકુવા વાળી શેરી મોરબી વાળાની ધરપકડ કરેલ છે અને તેની સામે બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી છે અને આ શખ્સ પાસેથી મળી આવેલ દારૂની બોટલો તે કોની પાસેથી લાવ્યો હતો તે દિશામાં પોલીસે તપાસ શરૂ કરેલ છે

દેશી દારૂ

હળવદ તાલુકાના રાયધ્રા ગામથી સમલી ગામ તરફ જવાના રસ્તે ખોડીયાર માતાજીના મંદિર પાસેની વાડીમાં દેશી દારૂની ભઠ્ઠી ચાલૂ હોવાની હકીકત મળી હતી જેના આધારે એલસીબીની ટીમ દ્વારા ત્યાં દારૂની રેડ કરવામાં આવતા સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો ૬૦૦ લિટર  આથો મળી આવ્યો હોય પોલીસે ૧૨૦૦ રૂપિયાની કિંમતનો માલ કબજે કર્યો હતો જોકે આ વાડી મહેન્દ્રભાઈ ઉર્ફે મેંદો મશરૂભાઈ કોળી રહે રાયધ્રા વાળાની હોય તે સ્થળ ઉપર હાજર ન હોવાથી તેની સામે હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે