મોરબી અને કચ્છમાંથી નવ બાઈકની ચોરીના ગુનામાં આરોપીની ચોરાઉ બાઇક સાથે ધરપકડ

મોરબીના સાપર નજીકથી પોલીસે ચોરાઉ બાઉક સાથે એક શખ્સને પકડ્યો હતો અને તેની પૂછપરછ કરી હતી ત્યારે તેની પાસેથી મોરબી અને કચ્છ જિલ્લામાંથી ચોરી કરવામાં આવેલા નવ બાઇક મળી આવ્યા હતા જેથી કરીને પોલીસે ચોરાઉ બાઇક કબ્જે કરીને આગળની ધોરણસરની કાર્યવાહી કરેલ છે.

બનાવની જાણવા મળતી માહિતી મુજબ મોરબી તાલુકા પોલીસની ટીમ સાપર નજીક પાવડયારી કેનાલ પાસે વાહન ચેકીંગ કરી રહી હતી ત્યારે જયંતિભાઇ પ્રભુભાઇ બાડા (૨૭) રહે, ભીમાસર (ભુટકીયા), તાલુકો રાપર, જીલ્લો કચ્છ વાળો નંબર પ્લેટ વગરના બાઇક સાથે મળી આવ્યો હતો જેથી કરીને વાહનના કાગળો તથા આરસી બુક માંગી હતી ત્યારે સંતોષકારક જવાબ મળેલ ન હતો જેથી કરીને એન્જીન નંબર સર્ચ કરતા આ બાઇકના નંબર જીજે ૩ એએલ ૯૪૯૦ હોવાનું અને તે સુનિલ કાંતિલાલ મિરાણી રહે. એવન્યુપાર્ક, મોરબી વાળાનું સામે આવ્યું હતું જેથી પોલીસે ચોરાઉ બાઈકની સાથે તેની ધરપકડ કરેલ છે હતી અને તેની પૂછપરછ કરવામાં આવી હતી ત્યારે તેને મોરબી અને કચ્છ જિલ્લામાંથી વધુ આઠ બાઈકની ચોરી કરી હોવાની કબૂલાત આપી હતી જેથી કરીને પોલીસે ચોરાઉ બાઇક કબજે કરીને આગળની કાર્યવાહી કરી હતી આ કામગીરી પીએસઆઇ બી.જી. જેઠવા તેમજ જયદેવસિંહ ઝાલા, દિનેશભાઇ બાવળીયા, અજીતસિંહ પરમાર, જનકસિંહ પરમાર, વિજયભાઇ ડાંગર, ફતેસંગ પરમાર, રમેશભાઇ મુંધવા, દિવ્યરાજસિંહ જાડેજા, કેતનભાઇ અજાણા, ભગીરથભાઇ લોખીલ, પંકજભાઇ ગુઢડા, વનરાજસિંહ ચૌહાણ, કિશોરભાઇ દાવા, પૃથ્વીરાજસિંહ જાડેજા, દેવશીભાઇ મોરી, હરપાલસિંહ ઝાલા, દિપસિંહ ચૌહાણ, યશવંતસિંહ ઝાલા સહિતના રોકાયેલ હતા