વાંકાનેરમાં બાઈકમાં બેઠેલા વ્યક્તિનો પગ અડી જતાં યુવાનને ઢીકાપાટુનો માર માર્યો: મારી નાખવાની ધમકી

વાંકાનેરની મેઇન બજારમાંથી યુવાન ડબલ સવારી બાઇક લઈને જતો હતો ત્યારે બાજુમાંથી જઈ રહેલા બીજા બાઇકને પાછળ બેઠેલા વ્યક્તિનો પગ અડી જતા તે બાબતે બોલાચાલી થઈ હતી અને ત્યારે યુવાનને ગાળોબોલી ઢીકાપાટુનો મારમારીને માથા અને શરીરે ઇજા કરી હતી તેમજ જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા વાંકાનેર સિટી પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ વાંકાનેર તાલુકાના સિંધાવદર ગામે સરકારી સ્કૂલની બાજુમાં રહેતા મોહમ્મદવારિસ ભાઈ સમસુદ્દીનભાઈ શેરસીયા જાતે મોમીન (૨૪) નામના યુવાને વાંકાનેર સિટી પોલીસ સ્ટેશન ખાતે મોહીનભાઈ મોહમ્મદભાઈ કાબરા રહે. વાંકાનેર વાળા સામે ફરિયાદ નોંધાવી છે જેમાં તેને જણાવ્યું છે કે, વાંકાનેરની મેઇન બજારમાં આવેલ રોનક ફૂટવેર સામે રસ્તા ઉપરથી તેઓ ડબલ સવારી બાઇક લઈને જઈ રહ્યા હતા ત્યારે તેની બાજુમાંથી આરોપી બાઇક લઈને નીકળતો હતો ત્યારે ફરિયાદીના બાઈકમાં પાછળ બેઠેલા વ્યક્તિનો પગ તેને અડી જતા તે બાબતે આરોપીએ બોલાચાલી કરી હતી ગાળો આપી હતી અને ઢીકાપાટુનો માર માર્યો હતો તેમજ માથામાં અને શરીરે ઇજાઓ કરીને જાનથી મારી નાખવાની ધમકી આપેલ છે જેથી કરીને ભોગ બનેલા યુવાને વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે