મોરબીની ન્યુ જનક સોસાયટીમાં પાણીની કુંડીમાં પડી ગયેલા દોઢ વર્ષનો બાળક સારવારમાં

મોરબીના પંચાસર રોડ ઉપર આવેલ ન્યુ જનક સોસાયટીમાં દોઢ વર્ષનો બાળક પાણીની કુંડીમાં પડી જતા તેને તાત્કાલિક પાણીમાંથી બહાર કાઢવામાં આવ્યો હતો અને ત્યારબાદ તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસને જાણ કરવામાં આવી હતી

જાણવા મળતી માહિતી મુજબ મોરબીના લીલાપર રોડ પર આવેલ ખડિયાવાસમાં રહેતા કરણસિંહ મેડાનો દોઢ વર્ષનો દીકરો રૂગ્નેશ મોરબીના પંચાસર રોડ ઉપર આવેલ ગીતા મીલ પાસે ન્યુ જનક સોસાયટીમાં પાણીની કુંડીમાં પડી ગયો હતો જેથી કરીને તેને ત્યાંથી તાત્કાલિક બહાર કાઢીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે. આ બનાવની પ્રાથમિક તપાસ એમ.એચ. વાસાણી દ્વારા કરવામાં આવી હતી 

બાળકીનું માતા સાથે મિલન

મોરબીમાં પાંચ વર્ષની બાળકી માતા પિતાથી વિખુટી પડી ગઈ હતી જેથી કરીને રીક્ષા ચાલક પ્રિયા નામની પાંચ વર્ષની બાળકીને મોરબી એ ડિવિઝન પોલીસ સ્ટેશન ખાતે લઈને આવ્યો હતો અને ત્યારબાદ ત્યાંના મહિલા પીએસઆઇ પી.આર. સોનારા તથા તેઓની ટીમ દ્વારા બાળકીના માતા-પિતાની શોખખોળ શરૂ કરવામાં આવી હતી દરમિયાન બાળકીની માતા બબીતા ચંદલશાહ (28) રહે. હાલ લક્ષ્મીનગર માળિયા હાઇવે ક્રિશું પોલીપેક મોરબી મૂળ રહે બિહાર વાળા મળી આવતા બાળકીને તેને સોંપી આપેલ છે

યુવાન સારવારમાં

મોરબી રાજકોટ હાઇવે રોડ ઉપર મીતાણા ગામ પાસે વાહન અકસ્માતનો બનાવ બન્યો હતો જેમાં માજુભાઈ મગનભાઈ બામણીયા (18) નામના યુવાનને ગંભીર ઇજા થયેલ હોવાથી તેને સારવાર માટે પ્રથમ ટંકારા અને ત્યાંથી વધુ સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરવા આવી હતી જેથી પોલીસે પ્રાથમિક તપાસ કર્યા બાદ આ બનાવ ટંકારા તાલુકા પોલીસની હદમાં બનેલો હોય ત્યાં આ બનાવની જાણ કરેલ છે