હળવદ તાલુકા પોલીસે 58.53 લાખની દારૂ-બિયરની બોટલો ઉપર રોડ રોલર ફેરવી દીધું

મોરબી જીલ્લામાં જુદાજુદા સ્થળે રેડ કરીને દારૂ અને બીયર પકડવામાં આવે છે અને ત્યાર બાદ કોર્ટની મંજૂરી લઈને આ મુદામાલનો નાશ કરવામાં આવે છે આવી જ રીતે વર્ષ 2023 -24 માં હળવદ પોલીસે જુદીજુદી જગ્યાએ દારૂની રેડ કરી હતી અને દારૂ તેમજ બિયરનો જથ્થો પકડાયો હતો જે જથ્થાનો નાશ કરવા માટેની મંજૂર મળી હતી જેથી કરીને હળવદના ડીવાયએસપી સમીર સારડા,પ્રાંત અધિકારી ધાર્મિક ડોબારિયા, પીઆઇ આર.ટી. વ્યાસ, મામલતદાર સહિતનાઓની હાજરીમાં સુખપર ગામની સીમમાં બોલા ડુંગર નજીક ડેમ તરફના રસ્તે 20,422 બોટલ દારૂ અને બીયરના જથ્થા ઉપર રોડ રોલર ફેરવીને 58.53 લાખના દારૂ અને બીયરના જથ્થાનો નાશ કરવામાં આવેલ છે.