મોરબીની અવની ચોકડી પાસે યુવતીની છેડતી: હાથ પકડીને મોબાઈલ નંબર માંગનાર શખ્સ સામે ગુનો નોંધાયો

મોરબીમાં યુવતીનો પીછો કરીને તેને હેરાન કરવામાં આવતી હતી અને તેનો હાથ પકડીને તેની પાસેથી મોબાઈલ નંબરની માંગણી કરવામાં આવતી હતી તેમજ વારંવાર સોશ્યલ મીડિયામાં ફ્રેન્ડ રિકવેસ્ટ મોકલાવવામાં આવતી હતી જેથી કરીને કંટાળી ગયેલ યુવતીએ મોરબી એ ડિવિઝન પોલીસ સ્ટેશન ખાતે એક શખ્સની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે.

જાણવા મળતી માહિતી મુજબ મોરબીમાં રહેતી અને અભ્યાસ કરતી યુવતીએ મોરબી એ ડિવિઝન પોલીસ સ્ટેશન ખાતે મેહુલ જીલરીયા નામના શખ્સની સામે ફરિયાદ નોંધાવેલ છે જેમાં જણાવ્યુ છે કે, તે હાલમાં અભ્યાસ કરે છે અને પોતાના પરિવારને આર્થિક રીતે મદદરૂપ થવા માટે હાલમાં તે યુવતી નોકરી પણ કરે છે અને આ યુવતી કોલેજમાં પોતાની નોકરી માટે જતી હતી ત્યારે આરોપી મેહુલ જીલરીયા તેની પાછળ આવતો હતો અને તેના મોબાઈલ નંબર માંગતો હતો આટલું જ નહીં ઇન્સ્ટાગ્રામમાં વારંવાર ફ્રેન્ડ રીક્વેસ્ટ મોકલતો હતો તેમજ તે યુવતી વોકિંગ કરવા જતી ત્યારે તેની પાછળ જઈને તેનો હાથ પકડ્યો હતો જેથી યુવતી ગભરાય ગયેલ હતી અને તેને આ અંગેની તેની માતા અને માસીને વાત કરી હતી જો કે આવા છોકરાને ધ્યાન નહિ આપવાનું તેવું તેને કહ્યું હતું જેથી ત્યારે ફરિયાદ કરી ન હતી જો કે, તા 21 ના રોજ રાતે યુવતી અવની ચોકડી પાસેથી જતી હતી ત્યારે તેનો આરોપીએ પીછો કર્યો હતો અને આ યુવતીએ માસીએ તે શખ્સને કેમ પીછો કરે છે તેવું પૂછાતા ત્યાં માણસો ભેગા થઇ ગયા હતા જેથી આરોપી તેનું વાહન લઈને નાશી ગયો હતો ત્યારે બાદ આ શખ્સનાં ત્રાસથી કંટાળી ગયેલ યુવતીએ મોરબી એ ડિવિઝન પોલીસ સ્ટેશન ખાતે જઈને ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ હાથ ધરી છે.