મોરબીના જાંબુડીયા પાસે બાઇક સાથે બાઇક અથડાતાં યુવાનને બ્રેન હેમરેજ

મોરબીમાં જાંબુડીયા ગામ નજીક આવેલ હ્યુન્ડાઇના શોરૂમની સામે સર્વિસ રોડ ઉપરથી યુવાન બાઇક લઈને પસાર થઈ રહ્યો હતો ત્યારે સામેથી આવી રહેલા બાઇક ચાલકે તેના બાઈક સાથે બાઇક અથડાવ્યું હતું જેથી અકસ્માતનો બનાવ બન્યો હતો અને આ બનાવમાં યુવાનને બ્રેન હેમરેજ અને શરીરે ઇજાઓ થઈ હતી જેથી તેને સારવાર માટે મોરબીથી રાજકોટ સુધી લઈ જવામાં આવેલ છે અને આ બનાવ સંદર્ભે હાલમાં ઇજાગ્રસ્ત યુવાનોના કૌટુંબિક ભાઈએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે અકસ્માત સર્જનાર બાઇક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

મોરબી તાલુકાના નાનીવાવડી ગામે રહેતા શૈલેષગર અરજણગર રામદતી (31)એ મોરબી તાલુકા પોલીસ સ્ટેશન ખાતે બાઇક નંબર જીજે 36 એએન 5859 ના ચાલક સામે ફરિયાદ નોંધાવેલ છે જેમાં જણાવ્યુ છે કે, મોરબીની નવલખી ચોકડી પાસે આવેલ સિલ્વર પાર્ક સોસાયટીમાં રહેતા પ્રવીણગર પ્રેમગર મેઘનાથી પોતાનું બાઈક નંબર જીજે 10 ડીએફ 9401 લઈને જાંબુડીયા ગામ પાસે આવેલ જ્હ્યુન્ડાઇના શોરૂમ પાસેથી પસાર થઈ રહ્યા હતા ત્યારે સામેથી આરોપી તેનું બાઈક લઈને આવતો હતો અને તેણે પ્રવીણગરના બાઇકને હડફેટે લેતા અકસ્માતનો બનાવ બન્યો હતો જે બનાવમાં પ્રવીણભાઈને બ્રેન હેમરેજ અને શરીરે ઇજાઓ થયેલ છે જેથી ઇજા પામેલા પ્રવીણગરને સારવાર માટે હોસ્પિટલે ખસેડવામાં આવેલ છે અને આ બનાવ સંદર્ભે હાલમાં યુવાને નોંધાવેલ ફરિયાદ આધારે પોલીસે અકસ્માત સર્જનાર બાઇક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

રીક્ષામાંથી પડી જતા સારવારમાં 

મોરબીના અણીયારી-જેતપર હાઇવે ઉપર રિક્ષામાંથી પડી જતા કરીમભાઈ સિદ્દીકભાઈ કટિયા (૨૭) રહે.માળીયા મિંયાણા દરગાહ પાસે ને અત્રેની ક્રિષ્ના હોસ્પિટલે સારવાર માટે લાવવામાં આવ્યો હતો.જ્યારે મોરબીના રવાપર ગામે બોની પાર્ક વિસ્તારમાં રાધે રેસીડેન્સીમાં રહેતા કાજલબેન જતીનભાઇ જગદીશભાઇ જોશી નામના ૪૫ વર્ષીય મહિલા કોઈ કારણોસર વધુ પડતી બીપીને લગતી દવા પી ગયા હોય તેમને સારવાર માટે અત્રે મંગલમ હોસ્પિટલે ખસેડવામાં આવ્યા હતા તેમ પોલીસસુત્રોએ જણાવેલ છે.જ્યારે મોરબીના રામચોકના ઢાળિયા પાસે બાઇક ચાલક દ્વારા ટક્કર મારવામાં આવતા જીવણભાઈ મેપાભાઇ રબારી (૭૦) રહે.કાલિકા પ્લોટને પણ અહિંની સિવિલ હોસ્પિટલે સારવાર માટે લઈ જવામાં આવ્યા હતા.તેમજ મોરબીના નાની વાવડી ગામે રહેતા વિનોદભાઈ મગનભાઈ પડસુંબીયા (૪૭) નામના યુવાનને નાની કેનાલ રોડ તુલસી ગ્રીન એપાર્ટમેન્ટ ખાતે મારામારીના બનાવમાં ઇજાઓ થઈ હોય સિવિલે સારવાર માટે ખસેડાયા હોય પોલીસે નોંધ કરી તપાસ કરી હતી.