મોરબીમાં લોક જન શક્તિ પાર્ટી તેમજ ધર્મ મંગલ રેસિડેન્સીના લોકો દ્વારા સરદાર પટેલની જન્મજયંતી ઉજવાઇ

રાષ્ટ્રના લોખંડી પુરુષ સરદાર વલ્લભભાઈ પટેલની 150મી જન્મજયંતી નિમિતે લોક જન શક્તિ પાર્ટી મોરબી જિલ્લામાં આગેવાનો દ્વારા પુષ્પાંજલિ અર્પણ કરવામાં આવી હતી અને રાષ્ટ્રના એકતા દિવસે મોરબી જિલ્લામાં લોક જન શક્તિ પાર્ટી સાથે જોડાઈને લોકોની શક્તિ દ્વારા ભવ્ય અને દિવ્ય રાષ્ટ્રનું નિર્માણ કરવામાં અને અખંડ ભારતનું નિર્માણ કરવામાં સહભાગી બનવા માટે લોકોએ આહ્વાન કર્યું હતું. જયારે મોરબીના સનાળા ઘુનડા રોડ પર આવેલી ધર્મ મંગલ રેસિડેન્સીમાં સરદાર વલ્લભભાઇ પટેલની જન્મ જયંતી નિમિતે સ્થાનિક લોકોએ સરદાર સાહેબની પ્રતિમાને તિલક કરીને હારતોરા કર્યા હતા.