મોરબી જીલ્લામાં શુક્રવારે સરકારી કચેરીઓમાં વંદે માતરમનું સમૂહ ગાન કરીને સ્વદેશીના શપથ લેવાશે
SHARE
JOIN OUR GROUP
મોરબી જીલ્લામાં શુક્રવારે સરકારી કચેરીઓમાં વંદે માતરમનું સમૂહ ગાન કરીને સ્વદેશીના શપથ લેવાશે
ઈતિહાસમાં વર્ષ ૧૮૭૫માં રાષ્ટ્રીય સ્વતંત્રતા ચળવળના દરમિયાન રાષ્ટ્રી ગીત ‘‘વંદે માતરમ’’એ દેશવાસીઓમાં રાષ્ટ્ર ચેતના પ્રગટાવી હતી અને દેશવાસીઓને માતૃભૂમિના ગૌરવની એકસૂત્રતામાં બાંધ્યા હતા. ૭મી નવેમ્બર ૨૦૨૫ના રોજ તેને ૧૫૦ વર્ષ પૂર્ણ થઈ રહ્યા છે, ત્યારે ગુજરાત સરકાર દ્વારા તેની વિશિષ્ટ ઉજવણી કરવામાં આવનાર છે. જેમાં સમગ્ર રાજ્યની સરકારી કચેરીઓમાં ‘વંદે માતરમ’નું સમૂહ ગાન થશે તથા સ્વદેશીના શપથ લેવાશે. સમગ્ર રાજ્યની સાથે મોરબી જિલ્લાની તમામ સરકારી કચેરીઓમાં શુક્રવારે ૭મી નવેમ્બરે સવારે ૧૦.૩૦ થી સાંજે ૬.૧૦ના બદલે સવારે ૯.૩૦થી સાંજે ૫.૧૦ સુધીનો રહેશે.
‘વંદે માતરમ’@૧૫૦ની ઉજવણીનો મુખ્ય કાર્યક્રમ મુખ્યમંત્રી ભૂપેન્દ્રભાઈ પટેલની ઉપસ્થિતિમાં સચિવાલય, વિધાનસભા પરિસર ખાતે યોજાશે. જ્યારે પ્રભારી મંત્રીઓની ઉપસ્થિતિમાં જિલ્લા મુખ્ય મથક ખાતે, જિલ્લા પંચાયત પ્રમુખની ઉપસ્થિતિમાં જિલ્લા પંચાયત ખાતે તથા મેયરની ઉપસ્થિતિમાં મહાનગર પાલિકાઓ સાથે, જિલ્લા પોલીસ વડાની ઉપસ્થિતિમાં જિલ્લા પોલીસ વડાની કચેરી ખાતે, નગરપાલિકા પ્રમુખની ઉપસ્થિતિમાં તમામ નગરપાલિકાઓ ખાતે ‘વંદે માતરમ’નું મૂળ સ્વરૂપમાં સમુહગાન કરવામાં આવશે. તથા સ્વદેશી અપનાવવા અને તેને પ્રોત્સાહનના શપથ લેવામાં આવશે. આગામી દિવસોમાં શાળાઓ/કોલેજમાં પણ ‘વંદે માતરમ’નું મૂળ સ્વરૂપમાં સમુહગાન કરવા માટેના વિવિધ કાર્યક્રમો યોજાશે
