મોરબીના બગથળા ગામે ચક્કર આવ્યા હાર્ટ એટેકથી વૃદ્ધનું મોત

મોરબી તાલુકાના બગથળા ગામે રહેતા વૃદ્ધને ચક્કર આવ્યા હતા ત્યાર બાદ હાર્ટ એટેક આવી જવાથી તેનું મોત નીપજયું હતું જેથી મૃતદેહને દવાખાને લઈને આવ્યા હતા અને આ બનાવની પોલીસને જાણ કરતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી હતી

મોરબી તાલુકાના બગથળા ગામે રહેતા પરસોતમભાઈ ગાંડુભાઈ ચાવડા (65) નામના વૃદ્ધને તા. 26 ના રોજ સવારે 11:00 વાગ્યાના અરસામાં ચક્કર આવ્યા હતા ત્યાર બાદ તેઓને સારવાર માટે દવાખાને લઈને આવ્યા હતા અને તે દરમ્યાન વૃદ્ધને હાર્ટ એટેક આવી ગયો હતો જેથી વૃદ્ધનું મોત નીપજયું હતું અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે. આ બનાવની પ્રાથમિક તપાસ એચ.એમ.ચાવડા દ્વારા કરવામાં આવી હતી

માર મારતા સારવારમાં

મોરબીના મહેન્દ્રનગર ગામ પાસે આવેલ હરિઓમ રેસ્ટોરન્ટની પાછળના ભાગમાં રહેતા ઘનશ્યામ અજુભાઈ રાજપૂત (36) નામના યુવાનને રેસ્ટોરન્ટના માલિકે ઝઘડો કરીને માર મારતા ઇજા પામેલા યુવાનને સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરવામાં આવી છે

મહિલા સારવારમાં

સરા મુળી રોડ ઉપર સરા ચોકડી પાસે બાઇક સ્લીપ થવાથી અકસ્માત થયો હતો જે બનાવમાં ગીતાબેન રજનીકાંત ભાલોડીયા (50) નામના મહિલાને ઈજા થઇ હતી જેથી તેને સારવાર માટે મોરબીની શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી.