હંગર પ્રોજેક્ટ: લાયન્સ કલબ ઓફ મોરબી સીટી દ્વારા સંગાથ વૃદ્ધાશ્રમમાં ભોજન પ્રસાદ યોજાયો

લાયન્સ કલબ ઓફ મોરબી સીટી દ્વારા માળીયાના સંગાથ વૃદ્ધાશ્રમ હાઈવે ખાતે રહેતા ૪૦ વૃદ્ધોને લાયન્સ કલબ ઓફ મોરબી સીટીના સભ્ય અશ્વિનભાઈ ઘોડાસરાના પિતા સ્વ.લાલજીભાઈ છગનભાઈ ઘોડાસરાની પુણ્યતિથિ નિમિત્તે ભોજન પ્રસાદનું આયોજન કરવામાં આવ્યું હતું આ ભોજનના દાતા ગંગા સ્વરૂપ ચંચીબેન લાલજીભાઈ ઘોડાસરા હતા અને વડીલો સાથે પ્રાર્થના કરી લાયન્સ સભ્યો દ્વારા ભોજન પીરસવામાં આવ્યું હતું આ હંગર પ્રોજેક્ટના ચેરમેન અશ્વિનભાઈ ઘોડાસરા હતા ત્યારે કલબના સેક્રેટરી અને ઝોન-૫ ના ઝેડ સી કેશુભાઈ દેત્રોજા, પૂર્વ પ્રમુખ ત્રિભોવનભાઈ સી. ફુલતરિયા, ખજાનચી ચંદુભાઈ કુંડારિયા અને સભ્યો મહાદેવભાઈ ચિખલિયા અને જયસુખભાઈ વ્યાસ હાજર રહ્યા હતા અને વડીલોનાં આશીર્વાદ મેળવ્યા હતા.