ટંકારાના સાવડી ગામ પાસે બાઇક ચાલકે સાયકલને ટક્કર મારતા ઇજા પામેલા આધેડનું સારવારમાં મોત

ટંકારાના સાવડી ગામ પાસેથી આધેડ સાયકલ લઈને પસાર થઈ રહ્યા હતા દરમિયાન પુલ ઉપર સાયકલને પાછળથી બાઈકના ચાલકે ટક્કર મારી હતી જેથી અકસ્માતનો બનાવ બન્યો હતો અને તે બનાવમાં આધેડને માથાના ભાગે ગંભીર ઇજા થઈ હતી જેથી કરીને આધેડને સારવાર માટે લઈ ગયા હતા અને ત્યાં ચાલુ સારવાર દરમિયાન તેનું મોત નીપજ્યું હતું જે બનાવ સંદર્ભે હાલમાં મૃતક આધેડના ભાઈએ નોંધાવેલ ફરિયાદ આધારે પોલીસે બાઈક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

મૂળ ટંકારા તાલુકાના મેઘપર ઝાલા ગામના રહેવાસી અને હાલમાં મોરબીના લીલાપર ગામે રહેતા હીરાભાઈ ઉગાભાઇ ગોહેલ (52) એ બાઈક નંબર એમપી 11 એમજી 8919 ના ચાલક સામે ફરિયાદ નોંધાવેલ છે જેમાં જણાવ્યુ છે કે, તેઓના ભાઈ પ્રવીણભાઈ ઉગાભાઇ ગોહિલ (51) ટંકારા તાલુકાના લતીપર રોડ ઉપર સાવડી ગામ નજીક ફુલજર નદી ઉપર આવેલા પુલ ઉપરથી સાયકલ લઈને પોતાના ઘર તરફ જઈ રહ્યા હતા. દરમિયાન પુલ ઉપર આરોપી બાઇક ચાલકે ફરિયાદીના ભાઈને પાછળથી ઠોકર મારી હતી જેથી અકસ્માતનો બનાવ બન્યો હતો અને તે બનાવમાં ફરિયાદીના ભાઈને માથાના ભાગે ગંભીર ઇજા થઈ હતી જેથી તેને તાત્કાલિક સારવાર માટે હોસ્પિટલે લઇ ગયા હતા અને ત્યાં ચાલુ સારવાર દરમિયાન તેનું મોત નીપજ્યું હતું જેથી આ બનાવ સંદર્ભે મૃતક આધેડના ભાઈએ નોંધાવેલ ફરિયાદ આધારે પોલીસે બાઈક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે