ટંકારાના સરાયા ગામે તળાવમાંથી સિંચાઇ માટેનું પાણી લેતા ખેડૂતને ત્રણ શખ્સોએ આપી જાનથી મારી નાખવાની ધમકી

ટંકારાના સરાયા ગામે તળાવમાંથી ઈલેક્ટ્રીક મોટર વડે પાણી ખેંચીને ખેડૂત પોતાના ખેતરમાં સિંચાઈ કરતા હતા જે તે જ ગામમાં રહેતા શખ્સોને ગમતું ન હતું જેથી ત્રણ શખ્સો ખેડૂતના ખેતરે આવ્યા હતા અને ઈલેક્ટ્રીક મોટર, લાઈન અને વાયર ઉપાડી લેવાનુ કહ્યું હતું અને જેમ ફાવે તેમ ગાળો આપીને જાનથી મારી નાખવાની ધમકી આપી હતી જેથી ભોગ બનેલા ખેડૂત દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.

ટંકારા તાલુકાના સરાયા ગામે રહેતા પ્રવીણભાઈ નારણભાઈ ઢેઢી (52)એ હાલમાં કાનાભાઈ લાખાભાઈ ગમારા, વિપુલભાઈ મોતીભાઈ ગમારા અને છગનભાઈ લીંબાભાઈ ગમારા રહે. બધા સરાયા વાળાની સામે ફરિયાદ નોંધાવેલ છે જેમાં જણાવ્યું છે કે સરાયા ગામે ઉપલા કાંઠા નામની તેઓની ખેતીની જમીન આવેલ છે અને તળાવમાંથી મોટર વડે તેઓ સિંચાઈ માટે પાણી ખેંચતા હતા જે આરોપીઓને ગમતું ન હતું જેથી ત્રણેય આરોપીઓ ફરિયાદીના ખેતરે આવ્યા હતા અને ઇલેક્ટ્રીક મોટર, લાઈન તથા વાયર ઉપાડી લેવા માટે કહ્યું હતું અને જેમ ફાવે તેમ ફરિયાદીને ગાળો આપી હતી અને જાનથી મારી નાખવાની ધમકી આપેલ છે જેથી ભોગ બનેલા આધેડ દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે

ઝેરી દવા પી લેતા સારવારમાં

મોરબી તાલુકાના રાપર ગામે રહેતા ક્રિષ્નાબેન ધર્મેશભાઈ કાલરીયા (20) નામની યુવતીએ કોઈ કારણોસર ઝેરી દવા પી લીધી હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.