મોરબીમાં આવેલ જીઆઇડીસીમાં ડેરીની અંદર દૂધ ગરમ કરવાના બોઇલરમાં થયો બ્લાસ્ટ: એકને ઇજા
SHARE
JOIN OUR GROUP
મોરબીમાં આવેલ જીઆઇડીસીમાં ડેરીની અંદર દૂધ ગરમ કરવાના બોઇલરમાં થયો બ્લાસ્ટ: એકને ઇજા
મોરબીના સનાળા રોડ ઉપર આવેલ જીઆઇડીસી વિસ્તારમાં ભોલે બાબા ડેરી આવેલ છે અને ત્યાં યુનિટની અંદર દૂધ ગરમ કરવા માટે થઈને વપરાતા બોઇલરમાં બ્લાસ્ટ થયો હતો જે બનાવમાં કારખાનાનો શેડ તૂટી ગયો હતો અને બોઈલર બ્લાસ્ટ થયું હોવાથી તેના કેટલાક ટુકડા આજુબાજુના કારખાનામાં પડ્યા હતા અને આ ઘટનામાં એક શ્રમિકને ઈજા થઈ હોવાના કારણે તેને સારવાર માટે હોસ્પિટલે લઈ જવામાં આવેલ છે.
મોરબીના સનાળા રોડ ઉપર આવેલ જીઆઇડીસી વિસ્તારમાં આવેલ ભોલે બાબા ડેરીમાં દૂધ ગરમ કરવા માટે થઈને વપરાતા બોઇલરમાં આજે સવારે બ્લાસ્ટ થયો હતો જેના કારણે કારખાનો સેડ તૂટી ગયો હતો આટલું જ નહીં પરંતુ બોઇલર બ્લાસ્ટ થવાના કારણે તેના કેટલાક ટુકડાઓ આજુબાજુમાં આવેલા જુદાજુદા યુનિટની ઉપર પડ્યા હતા જોકે, સદનસીબે આ બનાવમાં કોઈ જાનહાનિ થયેલ નથી પરંતુ ડેરીની અંદર કામ કરતા એક શ્રમિકને ઇજાઓ થઈ હતી જેથી તેને તાત્કાલિક સારવાર માટે હોસ્પિટલે ખસેડવામાં આવેલ છે અને બોઇલર બ્લાસ્ટ થયું હોવાની જાણ થતાની સાથે જ ત્યાં આસપાસના યુનિટોમાં કામ કરતા શ્રમિકો સહિતના લોકો સ્થળ ઉપર દોડી આવ્યા હતા અને ત્યાં લાગેલી આગને કાબુમાં લેવા માટે થઈને પાણીનો મારો ચલાવીને આગને કાબુમાં લીધેલી હતી વધુમાં મળતી માહિતી મુજબ બોઇલરમાં ઓવરહીટિંગના લીધે બ્લાસ્ટ થયો હોવાની શક્યતા સેવાઇ રહી છે.
