મોરબી જિલ્લામાં આમ આદમી પાર્ટીની સ્ટુડન્ટ વિંગ ASAP ની રચના કરાઇ
Morbi Today
મોરબીમાં એક જ રાતમાં 15 જેટલી કારના અજાણ્યા શખ્સે કાચ તોડી નાખ્યા: તપાસનો ધમધમાટ
SHARE
JOIN OUR GROUP
મોરબીમાં એક જ રાતમાં 15 જેટલી કારના અજાણ્યા શખ્સે કાચ તોડી નાખ્યા: તપાસનો ધમધમાટ
મોરબીમાં શનિવારની રાતે કાચ તોડ ગેંગ સક્રિય થઈ હોય તે પ્રકારનો ઘાટ જોવા મળ્યો છે અને મોરબીના પોસ વિસ્તાર કહી શકાય તેવા સનાળા રોડ, છાત્રાલય રોડ સહિતના વિસ્તારોમાં એક બે નહીં પરંતુ 15 જેટલી કારના કાચ રાત્રી દરમિયાન કોઈ અજાણ્યા શખ્સ દ્વારા તોડી નાખવામાં આવ્યા છે
મોરબીમાં અગાઉ રાત્રી દરમિયાન કારના કાચ તોડવામાં આવે, કારમાંથી ટાયરબકે પછી કોઈ સ્પેરપાર્ટની ચોરી કરવામાં આવે અથવા તો વાહનની ચોરી કરવામાં આવે તેવી ઘટનાઓ અનેક વખત સામે આવી ચૂકી છે જોકે ફરી પાછી કોઈ કારના કાચ તોડ ગેંગ સક્રિય થઈ હોય તેવો ઘાટ શનિવારે રાત્રે મોરબીમાં જોવા મળ્યો છે મોરબીના સનાળા રોડ, કન્યા છાત્રાલય રોડ, મુનનગર ચોક સહિતના જુદા જુદા વિસ્તારોની અંદર રાત્રિના સમયે લોકોએ પોતાના ઘરની બહારના ભાગમાં પાર્ક કરેલા વાહનોના કાચ તોડવામાં આવ્યા છે.
હાલમાં અતુલભાઈ જાની અને મેહુલભાઈ ગાંધી સહિતના સ્થાનિક લોકો પાસેથી જાણવા મળતી વિગત પ્રમાણે એક બે નહીં પરંતુ અંદાજે 15 જેટલી કારના કાચ કોઈ અજાણ્યા શખ્સ દ્વારા રાત્રીના સમયગાળા દરમિયાન તોડવામાં આવ્યા છે જોકે કયા કારણોસર કારના કાચને તોડવામાં આવ્યા છે અને આ વાહનોમાંથી કોઈ માલ સામાનની ચોરી કરવામાં આવી છે કે કેમ તે બાબતે હજુ કોઈ વિગતો સામે આવી નથી.
પરંતુ એકી સાથે એક જ રાતમાં અંદાજે 15 જેટલી કારના કાચ તોડવામાં આવ્યા છે જેથી કરીને આ બનાવ અંગેની મોરબી સીટી એ ડિવિઝન પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરીને આસપાસના વિસ્તારના સીસીટીવી કેમેરા ચેક કરવા માટેની તજવીજ હાથ ધરી છે
