મોરબીમાં મહિલાઓના સર્વાંગી વિકાસ માટે 21મી માર્ચે વુમન્સ લીડરશીપ કોન્કલેવ
Morbi Today
મોરબી સિરામિક એસો.ના વોલ ટાઇલ્સ ડિવિઝન પ્રમુખ માટે કાલે મતદાન, 3 ઉમેદવાર મેદાનમાં: સાંજે ફેંસલો
SHARE
JOIN OUR GROUP
મોરબી સિરામિક એસો.ના વોલ ટાઇલ્સ ડિવિઝન પ્રમુખ માટે કાલે મતદાન, 3 ઉમેદવાર મેદાનમાં: સાંજે ફેંસલો
મોરબી સિરામિક એસો.ના વોલ ટાઇલ્સ ડિવિઝનના વર્તમાન પ્રમુખની ટર્મ પૂરી થઈ રહી છે જેથી કરીને વોલ ટાઇલ્સ ડિવિઝનના નવા પ્રમુખ માટે કુલ ત્રણ કારખાનેદારો દ્વારા દાવેદારી કરવામાં આવી છે અને કાલે વોલ ટાઇલ્સ ડિવિઝનના પ્રમુખ પદે માટે ચૂંટણી યોજવાની છે અને સિરામિક વોલ ટાઇલ્સનું કારખાનું ધરાવતા એસો.ના કુલ મળીને 161 સભ્યો દ્વારા મતદાન કરવામાં આવશે અને સાંજે મતગણતરી પૂરી કરીને વિજેતાનું નામ જાહેર કરી દેવામાં આવશે.
મોરબી સિરામિક વોલ ટાઇલ્સ ડિવિઝનના વર્તમાન પ્રમુખ હરેશભાઈ બોપલિયા છેલ્લા ચાર વર્ષ એટ્લે કે બે ટર્મથી કાર્યરત છે અને આગામી 31 માર્ચના રોજ તેઓની ટર્મ પૂરી થઈ રહી છે. ત્યારે ચૂંટણી વગર પ્રમુખની પસંદગી કરવામાં આવે તેના માટેના પ્રયાસો કરવામાં આવ્યા હતા જો કે, વોલ ટાઇલ્સ એસો. ના પ્રમુખ પદ માં માટે એક કે બે નહીં પરંતુ ત્રણ કારખાનેદારો દ્વારા દાવેદારી કરવામાં આવેલ છે અને ઉમેદવારો તેમજ તેઓના સમર્થકો દ્વારા રૂબરૂ, સોશયલ મીડિયાથી તેમજ ફોન કરીને પ્રચાર કરવામાં આવી રહ્યો છે. મોરબી વોલ ટાઇલ્સ ડિવિઝનમાં પ્રમુખ પદ માટે કાલે તા 21 ના રોજ ચૂંટણી યોજવાની છે જેમાં પ્રમુખ પદના દાવેદાર તરીકે કેવલભાઈ સંઘાણી, નરેન્દ્રભાઈ સંઘાત અને કાંતિભાઈ સીતાપરા ઉમેદવાર છે અને મોરબીમાં સિરામિક વોલ ટાઇલ્સનું કારખાનું ધારવતા હોય તેવા 161 સભ્યો છે જેઓ દ્વારા કાલે સવારે 10:30 થી 4:30 સુધીના સમયગાળામાં બેલેટ પેપરથી મતદાન કરવામાં આવશે અને ત્યાર બાદ સાંજ સુધીમાં મતગણતરી પૂરી કરીને મોરબી વોલ ટાઇલ્સ ડિવિઝનના નવા પ્રમુખ જાહેર કરી દેવામાં આવશે. તેવી માહિતી જાણવા મળેલ છે.
